Sakshi Mahajan Marriage Ritual Started : मराठी मनोरंजनसृष्टीत सध्या सगळीकडे लग्नसाराय सुरु असलेली पाहायला मिळत आहे. तर काही दिवसांपूर्वीच अभिनेता सिद्धार्थ खिरीड लग्नबंधनात अडकला. तर ‘लक्ष्मीच्या पावलांनी’ या मालिकेतील ऋत्विक तळवलकर देखील लग्नबेडीत अडकला. अशातच आता आणखी एका कलाकार जोडीचं नाव या यादीमध्ये सामील होणार आहे. ती कलाकार जोडी म्हणजे अभिनेत्री साक्षी महाजन आणि अभिनेता अथर्व कर्वे.
तर साक्षी महाजन आणि अथर्व कर्वे दोघेही लवकरच लग्नबंधनात अडकणार असून, आता त्यांच्या लग्नाची लगबग सुरू झाली आहे.साक्षीच्या घरी लग्नाआधीच्या विधींना सुरुवात झाली आहे. त्याबद्दलची एक सोशल मीडिया पोस्टसुद्धा तिने शेअर केली आहे. अभिनेत्रीच्या घरी घाणा आणि बांगड्या भरण्याचा कार्यक्रम पार पडला. या सोहळ्याचा फोटो साक्षीनं आपल्या इन्स्टाग्राम स्टोरीवर शेअर केला आहे. तर अथर्व कर्वेचं घरसुद्धा लग्नासाठी सजलं आहे. त्यानंसुद्धा घराला केलेल्या आकर्षक रोषणाई आणि सजावटीचा फोटो चाहत्यांबरोबर शेअर केला आहे. (Sakshi Mahajan Marriage Ritual Started)
साक्षी महाजन आणि अथर्व कर्वे हे दोघे ६ फेब्रुवारी रोजी लग्नबंधनात अडकणार आहेत. दरम्यान, गेल्याच वर्षी एका मुलाखतीत साक्षीनं २०२६ मध्ये लग्न करणार असल्याचं म्हटलं होतं. त्यानंतर काही दिवसांनी साक्षीनं अथर्व कर्वेबरोबर लग्नगाठ बांधणार असल्याचं जाहीर केलं. तर साक्षी महाजन ही स्टार प्रवाहवरील ‘कोण होतीस तू, काय झालीस तू’ या लोकप्रिय मालिकेतून प्रेक्षकांच्या भेटीला आली. काही दिवसांपूर्वीच या मालिकेने प्रेक्षकांचा निरोप घेतला. या मालिकेतील कलाकारांनी तिचं सेटवर खास केळवणदेखील साजरं केलं होतं. अशातच आता अभिनेत्री अथर्वबरोबर लग्नबंधनात अडकणार आहे. (Sakshi Mahajan Marriage Ritual Started)
