आपल्या अभिनयाने व नृत्याने प्रेक्षकांचे मनोरंजन करणारी अभिनेत्री म्हणजे सोनाली कुलकर्णी. ‘महाराष्ट्राची अप्सरा’ म्हणून सोनालीने चाहत्यांच्या मनात तिचं वेगळं स्थान निर्माण केलं आहे. अभिनेत्री सोशल मीडियावरदेखील तितकीच सक्रिय असते. आपले अनेक मनमोहक फोटो, व्हिडीओ शेअर करत ती चाहत्यांच्या संपर्कात राहत असते. ती अनेकदा तिची मतेही सोशल मीडियाद्वारे व्यक्त करत असते. अशातच तिला एका चाहतीने विचारलेल्या प्रश्नाला चोख उत्तर दिले आहे. (Sonalee Kulkarni On Instagram)
सोनालीने तिच्या साडीमधले काही खास फोटो सोशल मीडियावर शेअर केले होते. यात तिने जांभळ्या रंगाची साडी परिधान केलेली दिसत आहे. हे फोटो शेअर करत सोनालीने लिहिलं आहे, “Being वेरी मच इंडियन in dubai” असं म्हटलं आहे. तिच्या या फोटोखाली अनेक चाहत्यांनी कमेंट करत तिचे कौतुक केले आहे. “खूप छान, खूप सुंदर, तु नेहमीसारखीच सुंदर दिसत आहेस, मस्त, पैठणीचा रंग खूप छान आहे, खतरनाक” अशा अनेक कमेंट्स केल्या आहेत. सोनाली अनेकदा तिच्या पोस्टवर येणाऱ्या प्रतिक्रिया किंवा ट्रोल करणाऱ्यांना प्रत्युत्तर देत असते.
यातील अनेक चांगल्या कमेंटपैकी एका कमेंटने सोनालीसह अनेकांचेच लक्ष वेधून घेतले. एका चाहतीने सोनालीला कमेंट करत “काहीही कर पण ‘बिग बॉस’मध्ये नवऱ्याबरोबर जाऊ नकोस.” असं विचारलं. तिच्या या कमेंटला उत्तर देत सोनालीने “मी कधीच एकटी पण जाणार नाही” असं म्हटलं आहे. यामुळे सोनाली भविष्यात कधीही बिग बॉसमध्ये जाणार नसल्याची शक्यता तिने सांगितली आहे. सोनालीच्या या उत्तराने सगळ्यांचेच लक्ष वेधले.
दरम्यान, सध्या ‘बिग बॉस’चे १७वे हिंदी पर्व चांगलेच गाजत असून यातील अनेक जोड्यादेखील चांगल्याच चर्चेत आहेत. या पार्श्वभूमीवर सोनालीला विचारण्यात आलेल्या प्रश्नावर अभिनेत्रीने नकळत भाष्य केले आहे. सोनालीच्या कामाबद्दल बोलायचं झालं तर ती लवकरच दाक्षिणात्य चित्रपटातून चाहत्यांच्या भेटीला येणार आहे. ‘मलाइकोकटाई वालीबन’ असं या चित्रपटाचं नाव असून या चित्रपटात ती दाक्षिणात्य सुपरस्टार मोहनलाल यांच्याबरोबर काम करणार आहे.
