सिनेसृष्टीत काम करत असताना असे बरेच कलाकार आहेत ज्यांना कास्टिंग काऊचची शिकार व्हावं लागलं आहे. अनेकांनी त्यांच्या या कास्टिंग काऊचचा आलेल्या अनुभवांबाबत खुलेपणाने भाष्य केलं आहे. अशातच एका मराठमोळ्या अभिनेत्रीने कास्टिंग काऊचबाबत तिला आलेला अनुभव शेअर केला आहे. ही अभिनेत्री म्हणजे अभिनेता सई ताम्हणकर. सईने आजवर अनेक चित्रपटांमध्ये महत्त्वपूर्ण भूमिका साकारत प्रेक्षकांची मनं जिंकली. मराठीसह सईने हिंदी सिनेविश्वातही काम करत प्रेक्षकांचं मनं जिंकलं. सई सोशल मीडियावरही बऱ्यापैकी सक्रिय असते. नेहमीच ती काही ना काही शेअर करत चाहत्यांच्या संपर्कात राहत असते. (Sai Tamhankar On Casting Couch)
आजवर सईने कोणताही वारसा हक्क नसताना स्वबळावर सिनेसृष्टीत स्वतःच असं स्थान निर्माण केलं. सांगलीसारख्या शहरातून मुंबईत आलेल्या सईने बरेच कष्ट केले आणि स्वतःच स्थान मिळवलं. मात्र सिनेसृष्टीत काम करतानाही सईला बऱ्याच अडचणींचा सामना करावा लागला. या सर्व गोष्टींवर मात करत सईने खूप मेहनत करत साऱ्यांचं मनं जिंकलं. नुकतीच सईने ‘Hauterrfly’ या युट्युब चॅनेलला मुलाखत दिली. यावेळी सईने बऱ्याच गप्पा मारल्या आणि अनेक गोष्टींवर उघडपणे भाष्य केलं.
कास्टिंग काऊचच्या अनुभवाबाबत या मुलाखतीदरम्यान सईला विचारण्यात आलं. तेव्हा यावर उत्तर देत ती म्हणाली, “खूप सुरुवातीला एक मॅसेज आला होता. तुमच्यासाठी हा रोल आहे पण तुम्हाला या लोकांबरोबर झोपावं लागेल. अशा शब्दांत त्याने मला मॅसेजवर सांगितलं. त्यावर मी त्याला सांगितलं, हा मॅसेज तू तुझ्या आईला पाठव. बाबांना पाठव. मला परत असा फोन किंवा मॅसेज करु नकोस. १५-२० वर्षात पहिल्यांदा अशा प्रकारचा मॅसेज आला, यापूर्वी आणि यानंतर परत असं कधीच झालं नाही. मॅसेज करणारी व्यक्ती कोण आहे, काय करते हे काही माहित नसताना ती व्यक्ती मॅसेजला माझ्यामते तितकं प्राधान्य नाही”.
सईने हा अनुभव शेअर करत एक प्रकारे तिच्या सडेतोड व बिनधास्त व्यक्तिमत्त्वाची झलक दाखविली. सई नेहमीच तिच्या ट्रोलर्सला सडेतोड उत्तर देताना दिसते. हटके व बोल्ड फोटोशूटमुळे ती नेहमीच चर्चेत असते,. यावरुन तिला अनेकदा ट्रोलही करण्यात आलं आहे.