मराठी कलाविश्वात बरीच अशी कलाकार मंडळी आहेत जी सोशल मीडियाच्या माध्यमातून चाहत्यांच्या संपर्कात राहत असतात. नेहमीच ही कलाकार मंडळी चाहत्यांशी संपर्क साधत काही ना काही शेअर करत असतात. विशेषतः या कलाकारांच्या रोजच्या जीवनातील घडामोडी, त्यांचा वावर जाणून घेणं प्रेक्षकांना नेहमीच आवडत. तर बरेचदा हे कलाकार स्वतःच त्यांच्या रोजच्या जीवनातील अनेक किस्से, गप्पा-गोष्टी चाहत्यांसह शेअर करत असतात. अशीच सोशल मीडियाच्या माध्यमातून कायमच प्रेक्षकांच्या संपर्कात राहणारी अभिनेत्री म्हणजे प्राजक्ता गायकवाड. (Prajakta Gaikwad Video)
अभिनेत्री प्राजक्ता गायकवाडने आजवर तिच्या अभिनयशैलीने प्रेक्षकांच्या मनावर अधिराज्य गाजवलं आहे. ‘स्वराज्य रक्षक संभाजी’ या मालिकेतून प्राजक्ता घराघरांत पोहोचली. या मालिकेतील तिच्या येसूबाईंच्या भूमिकेमुळे प्राजक्ताला खऱ्या अर्थाने लोकप्रियता मिळाली. यानंतर अभिनेत्रीने अनेक मराठी मालिकांमधून तसेच चित्रपटांतून प्रेक्षकांच्या मनावर अधिराज्य गाजवलं.
सोशल मीडियावरही प्राजक्ता बऱ्यापैकी सक्रिय असते. सोशल मीडियावरुन नेहमीच काही ना काही शेअर करत ती चाहत्यांच्या संपर्कात राहत असते. अशातच अभिनेत्रीने तिच्या गावातील शेतातून शेअर केलेल्या एका व्हिडीओने साऱ्यांचं लक्ष वेधून घेतलं आहे. “त्याचं झालं असं, आजी म्हणाली कोथिंबीरच्या वड्या करुयात, मग म्हटलं आणूयात कोथिंबीर शेतात जाऊन” असं कॅप्शन देत अभिनेत्रीने शेतात कोथिंबीर निवडतानाचा व्हिडीओ शेअर केला आहे.
प्राजक्ता ही शेतकरी कुटुंबातील मुलगी आहे. गावाकडचं वेड, तसेच गावातील शेतातील अनेक व्हिडीओ नेहमीच ती शेअर करत असते. प्राजक्ताच्या या व्हिडीओला अनेकांनी पसंती दर्शविली आहे. अनेक नेटकऱ्यांनी कमेंट करत, “झाल्या का कोथींबीर वड्या बनवून”, “शेतकरी”, “शेतात चप्पल नसते घालायची” अशा अनेक कमेंट केल्या आहेत.