‘कुंकू झालं वैरी’, ‘आयला रे’, ‘तुझं माझं जमेना’, ‘नो प्रॉब्लेम’, ‘हॅप्पी जर्नी’ यांसारख्या चित्रपटात झळकलेली व हिंदी मालिकाविश्वातील लोकप्रिय मराठी अभिनेत्री पल्लवी सुभाषला मातृशोक झाला आहे. पल्लवीच्या आईंचे निधन झाले असून आई गेल्याचे दु:ख व्यक्त करत पल्लवीने सोशल मीडियावर आईबद्दल एक भावुक पोस्ट शेअर केली आहे.
या पोस्टमध्ये तिने असं म्हटलं आहे की, “आई, काल सूर्य मावळत असताना मी स्वतःला आपण शेअर केलेल्या असंख्य आठवणींची आठवण करून देत होते. तुझे अतूट प्रेम, तुझा हळुवार स्पर्श, तुझी सांत्वन देणारी उपस्थिती हे माझ्या हृदयाच्या खूप जवळ आहे. आज, जेव्हा मी तुझ्याशिवाय माझ्या जीवनाचा प्रवासात अनुभवत आहे, तेव्हा मला तुझी शक्ती, तुझी आणि तुझ्या निस्वार्थ पाठिंबा या गोष्टींची आठवण येत आहे. तुझ्या प्रत्येक शब्दात खरेपणा व आपलेपणा होता.
यापुढे तिने असं म्हटलं आहे की, “मला माहित आहे की तू माझ्यावर लक्ष ठेवून आहेस. तुझे प्रेम प्रत्येक नवीन दिवसाला धैर्याने सामोरे जाण्याचे सामर्थ्य देते आणि याचं मला समाधान आहे. आपण एकमेकांबरोबर घालवलेल्या आठवणींना जवळ घेऊन वेळेच बंधन तोडून आपण लवकरच एके दिवशी परते भेटू याची मला खात्री आहे”.
आणखी वाचा – अधिपती-अक्षरामध्ये जवळीक, स्वयंपाकघरातच एकमेकांच्या प्रेमात आकंठ बुडाले, मात्र भुवनेश्वरीला आनंद पाहवेना
यापुढे तिने “तुझे प्रेम माझ्या हृदयात कायम असेल. आपण एकत्र घालवलेल्या प्रत्येक क्षणाची मीए जाणीव ठेवीन आणि माझ्या प्रत्येक गोष्टीत तुझ्या आठवणींचा आदर करेन. तू हे जग सोडून गेली असशील आई पण तुझा आत्मा त्या सर्वांच्या मनात असेल जे तुला ओळखतात आणि प्रेम करतात. तुझी कायमची आठवण येईल, तुझ्यावर मी कायम प्रेम करत राहिन”.
पल्लवीच्या या पोस्टवर अनेकांनी तिच्या आईबद्दल शोक व दु:ख व्यक्त केलं असून अनेकांनी तिला कमेंट्समध्ये श्रद्धांजली वाहिली आहे. तसेच तिला या दु:खातून बाहेर येण्यासाठी धीरही दिला आहे.