अभिनयक्षेत्रात असे बरेच कलाकार आहेत ज्यांनी कलाक्षेत्राबरोबर इतर क्षेत्रातही आपलं नशीब आजमावलं आहे. त्यातील काही कलाकार या क्षेत्रात यशस्वी ठरले तर काही इतर क्षेत्रात यशस्वी झाले. पण असेही काही छोट्या पडद्यावरील कलाकार आहेत ज्यांनी आपल्या अभिनयाने प्रेक्षकांची मन जिंकली पण काही काळच काम करून त्यांनी काही कारणामुळे हे क्षेत्र सोडलं. या कलाकारांपैकीच एक कलाकार म्हणजे म्हणजे अभिनेत्री नेहा गद्रे.(Neha gadre shift out of India)
छोट्या पडद्यावरील मोजक्याच मालिकांमधून नेहाने विविध भूमिका साकारत सगळ्यांची मनं जिंकली. पण त्यांनंतर ती अभिनय क्षेत्रापासून अलिप्त झाली. आता तिने नवीन क्षेत्र निवडलं आहे. नेहाने लग्नानंतर हा निर्णय घेतला. ‘मन उधाण वाऱ्याचे’, ‘अजूनही चांद रात आहे’ अशा मराठी मालिकांमधून नेहाने आपल्या अभिनयाची छाप पाडली. तिने कमी वेळात आपल्या उत्तम अभिनयाने प्रेक्षकांची मनं जिंकली.
आणखी वाचा – ‘रात्रीस खेळ चाले’च्या शेवंताने घेतलं नवं घर, सोशल मीडियावर पूजा करतानाचे फोटो व्हायरल
तिने ‘मन उधाण वाऱ्याचे’ या मालिकेतून अभिनय क्षत्रात पदार्पण केलं होतं. तिने साकारलेल्या भूमिका चांगल्याच लोकप्रिय ठरल्या. त्यामुळे ती प्रेक्षकाच्या बरीच पसंतीस उतरली होती. त्यानंतर ‘अजूनही चांद रात आहे’ या मालिकेत तिने रेवाची भूमिका साकारली होती. पण सध्या ती मनोरंजन क्षेत्रापासून पूर्णपणे दूर गेली आहे. तिने २ मार्च २०१९ला ईशान बापटसह लग्न गाठ बांधली. लग्नानंतर ती नवऱ्याबरोबर ऑस्ट्रेलियात स्थायिक झाली.
पण नेहाने स्वतःसाठी दूसरा मार्ग निवडला. ती ऑस्ट्रेलियामध्ये गेल्यानंतर तिने जर्मन भाषा आत्मसाद केली. त्यात पदवी मिळवून तिने त्यातच करिअर करण्याचं ठरवलं. नेहा सोशल मीडियावर बरीच सक्रिय असते. ती स्वतःचे फोटो, व्हिडीओ सोशल मीडियावर शेअर करत असते. तिला एक गोंडस मुलगीही आहे.नेहाने मराठी चित्रपटातही काम केलं आहे. ‘मोकळा श्वास’ या चित्रपटात तिने साकारलेली मृण्मयी देशपांडेच्या बहिणीची भूमिका चाहत्यांना खूपच आवडली. तसंच तिने ‘गडबड झाली’ या चित्रपटातही काम केलं आहे.
