कलाकार आणि त्यांच्या फिटनेसचं नेहमीच कौतुक होतं. कलाकारांच्या फिटनेसचे लाखो चाहते दिवाने असतात. अनेक कलाकार मंडळी त्यांच्या योगा वा जिमचे व्हिडीओ सोशल मीडियावरुन शेअरही करतात. फिटनेसच्या बाबतीत एका मराठमोळ्या अभिनेत्रीच नाव आवर्जून घेतलं जाईल ते म्हणजे ऐश्वर्या नारकर. ऐश्वर्या यांचा फिटनेस तरुणाईलाही लाजवेल असा आहे. सोशल मीडियावर त्यांच्या फिटनेसचे धडे त्या वेळोवेळी शेअर करताना दिसतात. ऐश्वर्या यांचा सोशल मिडियावरही बराच वावर असलेला पाहायला मिळत आहे. (Aishwarya Narkar Fitness)
सोशल मीडियावरही ऐश्वर्या नेहमीच सक्रिय असतात. नेहमीच त्या काही ना काही शेअर करत चाहत्यांच्या संपर्कात राहत असतात. बरेचदा ऐश्वर्या नारकर व अविनाश नारकर यांचे ट्रेंडिंग रील व्हिडीओ शेअर करतात. अनेकदा दोघेही त्यांच्या सोशल मीडियावर डान्स व्हिडीओ शेअर करतात. यावरुन बरेचदा दोघेही ट्रोलही झाले आहेत. मात्र या ट्रोलिंगला न जुमानता ते नेहमीच व्हिडीओ शेअर करतात. अशातच ऐश्वर्या यांनी शेअर केलेल्या एका व्हिडीओने साऱ्यांचं लक्ष वेधून घेतलं आहे.
ऐश्वर्या यांनी त्यांच्या इंस्टाग्राम अकाउंटवरुन फिटनेसबाबतचा एक खास व्हिडीओ शेअर केला आहे. यांत ऐश्वर्या यांनी “संतूरवाली आई बनण्याचा विचार केला होता, आणि बोललेलं करूनही दाखवलं”, असं कॅप्शन देत त्यांचा जुना फोटो ते आता फिट असतानाचा फोटो शेअर करत फरक दाखवला आहे. ऐश्वर्या नारकर नेहमीच त्यांच्या इंस्टाग्राम अकाउंटवरुन योगा करतानाचे अनेक व्हिडीओ शेअर करतात. शिवाय डाएटच्या बाबतीतही त्या विशेष काळजी घेताना दिसतात.
ऐश्वर्या यांच्या संतूरवाली आई या पोस्टवर अनेकांनी कमेंट करत त्या खरंच संतूर आई असल्याचं म्हटलं. तर काहींनी काही वर्षांनी संतूर आजी व्हाल असंही म्हटलं आहे. ऐश्वर्या यांच्या कामाबद्दल बोलायचे झाल्यास, सध्या त्या झी मराठी वाहिनीवरील ‘सातव्या मुलीची सातवी मुलगी’ या मालिकेत नकारात्मक भूमिकेत पाहायला मिळत आहेत. या मालिकेत त्या रुपाली म्हात्रे ही भूमिका साकारताना दिसत आहेत.
