मराठी कलाविश्वातील चतुरस्त्र कलाकार म्हणून संकर्षण कऱ्हाडेचे नाव हे अग्रगण्य आहे. एक उत्तम अभिनेता, एक उत्तम कवी व एक उत्तम माणूस म्हणून अभिनेता संकर्षण कऱ्हाडे हा लोकप्रिय आहे. त्याच्या अभिनयासह, त्याच्या लिखाणाचे, दिग्दर्शनाचे, कवितांचे तसेच त्याच्या सूत्रसंचालनाचे अनेक चाहते आहेत. संकर्षण त्याच्या अभिनय, लिखाण व सादरीकरणामुळे जितका ओळखला जातो. तितकाच तो एक माणूस म्हणूनही उत्तम आहे आणि याचा प्रत्यय त्याच्या कविता, लिखाण किंवा सादरीकरणामधून वेळोवेळी आला आहे. (Sankarshan Karhade On Instagram)
अभिनेता संकर्षण हा सोशल मीडियावर चांगलाच सक्रिय असतो. सोशल मीडियावर तो त्याचे अनेक फोटो व व्हिडीओ शेअर करत चाहत्यांच्या संप्रकात राहत असतो. सोशल मीडियावर तो त्याच्या कविता, किस्से, किंवा काही अनुभव वगैरे शेअर करत असतो. त्याच्या या पोस्टला नेटकऱ्यांकडूनदेखील चांगलाच प्रतिसाद मिळतो. सध्या रंगभूमीवर संकर्षणचे ‘संकर्षण व्हाया स्पृहा’, ‘तू म्हणशील तसं’ आणि ‘नियम व अटी लागू’ असे तीन नाटकं चालू आहेत आणि या तिन्ही नाटकांना प्रेक्षकांकडूनदेखील हाऊसफूल प्रतिसाद मिळत आहे.
आणखी वाचा – ‘आओगे जब तुम साजना’ फेम सुप्रसिद्ध गायक राशिद खान यांचे निधन, ५५व्या वर्षी कर्करोगाशी झुंज ठरली अपयशी
अशातच संकर्षणने इन्स्टाग्राम अकाऊंटद्वारे एक फोटो शेअर केला आहे. या पोस्टद्वारे त्याने प्रेक्षकांचे आभार मानले आहेत. नुकताच ‘संकर्षण व्हाया स्पृहा’ या कवितांच्या कार्यक्रमाचा खास प्रयोग संकर्षणच्या गावी अर्थात परभणीमध्ये करण्यात आला आणि यावेळी त्यांचे जोरदार स्वागत करण्यात आले. यावेळी आकर्षक रोषणाई, फटाक्यांची आतषबाजी व सनई चौघड्यांच्या सुमधुर स्वरात त्यांचे स्वागत करण्यात आले. हेचग स्वागत पाहून संकर्षण भारावून गेला आहे.
या पोस्टमध्ये संकर्षणने असे म्हटले आहे की, “’संकर्षण व्हाया स्पृहा’ चा कालचा (८ जानेवारी) परभणीचा प्रयोग हाऊसफुल्ल झाला. माझ्याच गावात माझ्या माणसांनी, प्रेक्षकांनी सनई चौघडे वाजवून स्वागत केलं अनआय कार्यक्रमाचे खूप कौतुकही केलं. धन्यवाद परभणीकर.” दरम्यान, या पोस्टला अनेकांनी लाईक्स व कमेंट्सद्वारे चांगलाच प्रतिसाद दिला आहे. तसेच अनेकांनी संकर्षणच्या या खास कार्यक्रमाचे कौतुकही केले आहे.