मराठी नाटक, मालिका व चित्रपट आणि कविता या माध्यमांमधून प्रेक्षकांचे मनोरंजन करणारा अभिनेता म्हणजे संकर्षण कऱ्हाडे. संकर्षण हा त्याच्या अभिनयाव्यतिरिक्त अनेक कारणामुळे चर्चेत असतो. मालिकाविश्वातही संकर्षणने त्यांच्या अभिनयाने छाप पाडली आहे. ‘माझी तुझी रेशीमगाठ’ या मालिकेत संकर्षण महत्त्वपूर्ण भूमिकेत दिसला. मालिकेनंतर संकर्षणने रंगभूमीवर अभिनयाची जादू दाखवयाला सुरवात केली. सध्या संकर्षण ‘तू म्हणशील तसं’, ‘नियम व अटी लागू’ या नाटकांमध्ये व्यस्त आहे. तसेच ‘संकर्षण व्हाया स्पृहा’ हा त्याचा कार्यक्रमही जोरदार सुरु आहे. (Sankarshan Karhade Post)
संकर्षण एक उत्तम लेखक, कवी व संवादकार असल्यामुळे त्याचे लिखाण, बोलणं हे नेहमीच त्याच्या चाहत्यांना आवडत असते. संकर्षण हा त्याच्या अभिनयामुळे जितका चर्चेत असतो, तितकाच तो त्याच्या सोशल मीडियाद्वारेदेखील चर्चेत राहत असतो. सोशल मीडियावर संकर्षण बऱ्यापैकी सक्रिय असतो. नेहमीच तो काही ना काही शेअर करत चाहत्यांच्या संपर्कात राहत असतो. अशातच त्याने सोशल मीडियावर नुकतीच शेअर केलेली एक पोस्ट सर्वांचे लक्ष वेधून घेत आहे. संकर्षणने त्याच्या इन्स्टाग्रामवर एक फोटो पोस्ट केला आहे आणि या पोस्टने साऱ्यांचं लक्ष वेधलं आहे.
संकर्षणने शेअर केलेल्या या पोस्टमध्ये तो काही पोलीस बांधवांसह दिसत आहे. पोलीस बांधवांबरोबरचा फोटो शेअर करत संकर्षणने असं म्हटलं आहे की, “सकाळी सकाळी पोलिसांनी पकडलं. आणि मला त्यांच्याबरोबर फोटो काढायची संधी मिळाली. आणि अखेर कैद झाला हा सेल्फी. जय हिंद”, असं कॅप्शन देत त्याने हा फोटो पोस्ट केला आहे. संकर्षणचा खूप मोठा चाहतावर्ग आहे.
आणखी वाचा – सायली प्रियाचं सत्य सगळ्यांसमोर आणणार का?, साक्षीलाही अर्जुन-चैतन्यवर संशय, मोठा ट्विस्ट
सर्वसामान्य प्रेक्षकांसह पोलीस मित्रही संकर्षणचे चाहते आहेत. संकर्षणच्या या पोस्टवर अनेकांनी गमतीशीर कमेंट करत पोस्टला पसंती दर्शविलेली पाहायला मिळत आहे. संकर्षण हा संयमी, संस्कारी व जबाबदारीने आणि विचार करुन बोलणारा अभिनेता आहे त्यामुळे चाहते नेहमीच त्याचे कौतुक करताना दिसतात.
