Shivani Surve And Ajinkya Nanaware Marriage : छोट्या पडद्यावरील ‘देवयानी’ मालिकेतून नावारूपाला आलेली अभिनेत्री म्हणजे शिवानी सुर्वे. या मालिकेतून शिवानी अवघ्या घराघरात पोहोचली. तर ‘बिग बॉस मराठी’ या शोद्वारेदेखील तिला खूपच प्रसिद्धी मिळाली. अशातच अभिनेत्रीचा नुकताच साखरपुडा सोहळा संपन्न झाला. गेले काही दिवस शिवानी अभिनेता अजिंक्य ननावरेबरोबर रिलेशनमध्ये होती. काही काल एकमेकांना डेट केल्यानंतर अखेर ही जोडी विवाहबंधनात अडकली आहे. त्यांच्या लग्नाचे काही खास फोटो व व्हिडीओ सोशल मीडियावर व्हायरल झाले आहेत.
अभिनेत्रीने तिच्या लग्नात खास लूक केला असल्याचे पाहायला मिळत आहे, शिवानीने तिच्या लग्नासाठी फिकट गुलाबी रंगाचा लेहेंगा परिधान केला आहे. या लेहेंग्यावर सुंदर नक्षीकामदेखील आहे. तर अजिंक्यने सफेद रंगाचा कुर्ता-पायजमा परिधान केला आहे. अन् डोक्यावर गुलाबी रंगाचा फेटादेखील परिधान केला आहे. सोशल मीडियावर व्हायरल होत असलेल्या या व्हिडीओमध्ये अजिंक्य-शिवानी यांच्यावर अक्षता पडत असल्याचे पाहायला मिळत आहे. ठाण्यातील येउर हिल्स या ठिकाणी हा विवाहसोहळा पार पडला आहे. तसेच त्यांच्या या लग्नासाठी खास थाटमादेखील पाहायला मिळत आहे.
अजिंक्य-शिवानी यांच्या लग्नानिमित्त त्यांना शुभाशिर्वाद देण्यासाठी खास मित्रपरिवार, आत्पेष्ट व नातेवाईक मंडळींनी हजेरी लावली असल्याचे पाहायला मिळत आहे. त्यांच्या हळदी समारंभालाही ‘बिग बॉस मराठी’मधील माधव देवचक्के, नेहा शितोळे, मेघा धाडे यांनी हजेरी लावली होती. अशातच त्यांच्या लग्नाचे खास फोटो व व्हिडीओ सोशल मीडियावर व्हायरल होत असून कलाकार मंडळींसह त्यांच्या अनेक चाहत्यांकडून दोघांवर शुभेच्छांचा वर्षाव होत आहे.
दरम्यान, काही दिवसांपूर्वी ‘इट्स मज्जा’बरोबर साधलेल्या संवादात अजिंक्यने आम्ही लवकरच आमच्या लग्नाची तारीख जाहीर करू असे म्हटले होते. तेव्हापासूनच त्यांच्या चाहत्यांना दोघांच्या लग्नाची उत्सुकता लागली होती. अशातच ही जोडी नुकतीच विवाहबंधनात अडकली आहे. त्यामुळे या नवविवाहित दाम्पत्यावर सोशल मीडियाद्वारे चाहत्यांकडून शुभेच्छांचा वर्षाव होत आहे.