कलाकार मंडळी आणि त्यांच्या मुलांचे नेहमीच खास बॉण्डिंग असलेलं पाहायला मिळतं. सोशल मीडियावरही कलाकार मंडळी त्यांच्या मुलांबरोबरचे अनेक व्हिडीओ, फोटो नेहमी शेअर करताना दिसते. बरेचदा चाहते मंडळी या कलाकारांच्या खासगी आयुष्याबद्दल जाणून घेण्यासाठी उत्सुक असतात. तर कलाकार मंडळीही चाहत्यांच्या कुटुंबाबरोबरचे, मुलांबरोबरचे अनेक आनंदाचे क्षण शेअर करताना दिसतात. अशातच सध्या ‘महाराष्ट्राची हास्यजत्रा’ फेम नम्रता संभेरावने शेअर केलेल्या एका व्हिडीओने साऱ्यांचेच लक्ष वेधून घेतले आहे. (Namrata Sambherao Son)
‘महाराष्ट्राची हास्यजत्रा’ या लोकप्रिय कार्यक्रमाचे जगभरात लाखो चाहते दिवाने आहेत. कलाकारांच्या अफलातून टायमिंगचे देखील चाहते आहेत. शिवाय हास्यजत्रेच्या कथानकाने प्रेक्षकांना वेड करुन सोडलं आहे. या कार्यक्रमातून आजवर अनेक कलाकार घराघरात पोहोचले. प्रत्येक कलाकाराचा एक चाहता वर्ग निर्माण झाला आहे. नाटक, मालिका व चित्रपटांमधून अभिनेत्री नम्रता संभेराव चर्चेत आली. तर महाराष्ट्राची हास्यजत्रा या कार्यक्रमातून ती लोकप्रियतेस आली. या कार्यक्रमानंतर नम्रताने अनेक मराठी चित्रपटांमध्ये महत्त्वपूर्ण भूमिका साकारत प्रेक्षकांकडून शाबासकीची थाप मिळवली.
नम्रता तिचा लेकी रुद्राज बरोबरचे अनेक व्हिडीओ, फोटो शेअर करताना दिसते आणि ज्याची नेहमी चर्चा होत असते. आताही तिने तिच्या लेकाचा शेअर केलेला एक छान असा व्हिडीओ सर्वांचंच लक्ष वेधून घेत आहे. या शेअर केलेल्या व्हिडीओमध्ये नम्रता व रुद्रज हे दोघे अंगाई गाताना दिसत आहेत. रुद्राजला नम्रता झोपवताना दिसत आहे आणि त्याला झोप येत नाही आहे म्हणून ती लिंबोणीच्या झाडामागे ही अंगाई गाताना दिसत आहे.
ही अंगाई रुद्राजलाही पाठ असलेली पाहायला मिळत आहे. झोप येत आहे तरीसुद्धा रुद्राज ती अंगाई गाताना दिसत आहे. या व्हिडीओला नम्रताने कॅप्शन देत असे म्हटले आहे की, “झोप येतेय तरी गाणं म्हणायचं आहे माझ निरागस बाळ. रुद्राजला अंगाई आवडते आणि त्याला पाठदेखील आहे”, असं म्हटलं आहे. नम्रता व रुद्राजच्या या व्हिडीओवर अनेकांनी कमेंट करत पसंती दर्शिविली आहे.
