‘महाराष्ट्राची हास्यजत्रा’ हा कार्यक्रम गेल्या अनेक वर्षांपासून प्रेक्षकांचे चांगलेच मनोरंजन करत आहे. महाराष्ट्रातील घराघरात हा कार्यक्रम फार लोकप्रिय आहे. या कार्यक्रमातील अनेक विनोदवीर हे प्रेक्षकांचे निखळ मनोरंजन करत असतात. यांपैकी एक विनोदी अभिनेत्री म्हणजे चेतना भट. चेतनाने आपल्या विनोदाच्या अनोख्या बाजाने प्रेक्षकांच्या मनात घर केलं आहे. तिने या कार्यक्रमामध्ये स्वत:ची वेगळी ओळख निर्माण केली आहे. (Chetana Bhat On Instagram)
चेतना भट ही सोशल मीडियावर चांगलीच सक्रीय असते. ती नेहमीच सोशल मीडियावर विविध पोस्ट व व्हिडीओ शेअर करत असते. अशातच नुकतंच तिने इन्स्टाग्रामवर काही फोटो शेअर केले आहेत आणि या फोटोंमधून ती नवऱ्याबरोबर बाहेर फिरायला गेली असल्याचे दिसत आहे. अभिनेत्री तिच्या नवऱ्यासह मालदीवमध्ये गेले असून तिथली काही खास क्षण तिने इन्स्टाग्रामद्वारे चाहत्यांबरोबर शेअर केले आहेत. ‘मालदिव्सच्या आठवणी’ असं म्हणत तिने हे फोटो सोशल मीडियावर शेअर केले आहेत.
‘महाराष्ट्राची हास्यजत्रा’ या कार्यक्रमाच्या व्यस्त वेळापत्रकामधून वेळ काढत अभिनेत्री तिच्या नवऱ्याबरोबर काही खास क्षण एन्जॉय करताना दिसत आहे. या फोटोमध्ये दोघेही एकमेकांबरोबर कमालीचे आनंदी दिसत आहेत. तिच्या या फोटोवर अनेकांनी लाईक्स व कमेंट्सद्वारे प्रतिसाद दिला आहे. वैशाली सामंत, इशाणी डे, सुमित लोंढे यांसह तिच्या अनेक चाहत्यांनी या फोटोवर छान, सुंदर, लय भारी, हॅप्पी वीकेण्ड” अशा अनेक कमेंट्स केल्या आहेत.
दरम्यान, चेतनाचे ‘महाराष्ट्राची हास्यजत्रा’मधील अनेक स्किट्स गाजले आहेत. त्याचबरोबर तिचा नवरा हादेखील याच क्षेत्राशी निगडीत आहे. त्याचे नाव मंदार चोळकर असं असून तो प्रसिद्ध गीतकार आहे. आजवर त्याने ‘दुनियादारी’, ‘क्लासमेट्स’, ‘मितवा’, ‘गुरु’ अशा अनेक लोकप्रिय चित्रपटांसाठी गीतलेखन केले आहे.
