Gurmeet Choudhary On Robbery : गुरमीत चौधरी आणि देबिना बॅनर्जी यांच्या घराशी संबंधित एक मोठी बातमी बाहेर समोर आली आहे. या कलाकारांच्या घरी चोरी झाली असल्याचं समोर आलं आहे. सध्या कलाकारांच्या घरी चोरी करण्याचा सुळसुळा वाढला आहे. अभिनेत्याच्या घरातील नोकरानेच ही चोरी केली आहे. यावेळी तो मौल्यवान वस्तू घेऊन पळून गेला आहे.अभिनेता त्या वेळी घरीच होता, त्याच्या मुली आणि कुटुंबातील इतर सदस्य सुरक्षित असल्याचंही समोर आलं आहे. इतकंच नाही तर चोरी करणारा चोरही पकडला गेला आहे आणि त्याने चोरी केलेला मालही जप्त करण्यात आला आहे. परंतु अभिनेत्याने आपल्या चाहत्यांना माहिती देऊन सर्वांना सतर्क राहण्याचे आवाहन केले आहे.
गुरमीत चौधरी यांने इन्स्टाग्राम पोस्ट शेअर करत लिहिलं की, “‘अॅलर्ट’. आज एका नवीन सेवकाने आमच्या घरातून काही वस्तू चोरी केल्या आहेत आणि तो पळून गेला आहे. कृतज्ञतापूर्वक, आम्ही एखाद्याला कामावर घेण्यापूर्वी एखाद्याची सत्यापित करतो, म्हणून आम्ही त्वरित कारवाई केली. त्यावेळी मी घरी होतो आणि माझी मुले त्यांच्या खोलीत सुरक्षित आहेत. काही कॉलनंतर आम्ही बहुतेक वस्तू पुनर्प्राप्त केल्या आहेत, सर्वात महत्वाची गोष्ट म्हणजे आम्ही सर्व सुरक्षित आहोत. थोडेसे नशीब खराब राहिले, परंतु ही एक मोठी शिकवण आहे. नेहमी सतर्क राहा. कोणालाही कामावर ठेवण्यापूर्वी कसून चौकशी करा”.
आणखी वाचा – “१८ वर्षांची प्रतीक्षा संपली”, विराट कोहलीच्या RCB ला घवघवीत यश, कलाकरांकडून कौतुक, म्हणाले, “मेहनतीचं…”
गुरमीत आणि देबिना यांनी काही महिन्यांपूर्वी मुंबईत एक नवीन घर विकत घेतले. त्याने सोशल मीडियावर आपल्या नवीन घराची आणि घराच्या प्रवेशाची एक झलक देखील त्यांनी दाखवली. या घराची किंमत कोटी रुपयांमध्ये असल्याचं समोर आलं. छोट्या पडद्यावर भगवान ‘राम-सीता’ ची भूमिका बजावून गुरमीत आणि देबिनाने लोकप्रियता मिळविली. त्यांनी २०११ मध्ये लग्न केले.
