‘महाराष्ट्राची हास्यजत्रा’ हा छोटया पडद्यावरील कार्यक्रम अनेकांच्या घरात नेहमी पहिला जातो. विनोदी स्किट्स, त्याचे दमदार सादरीकरण व कलाकारांचा विनोदी अभिनय यांमुळे हा कार्यक्रम प्रचंड लोकप्रिय असून या कार्यक्रमाबरोबरच त्यातील कलाकारांचे चाहते दिवाने झाले आहेत. समीर चौघुले, प्रसाद खांडेकर, नम्रता संभेराव यांसारखे अनुभवी कलाकारांसह नव्या दमाचे कलाकारही प्रेक्षकांना मनमुरादपणे हसवत आहे. याच कार्यक्रमातील लोकप्रिय कलाकार आज चित्रपटांमध्ये झळकत असून हास्यजत्रेतील दोन दमदार हास्यवीर गौरव मोरे आणि निखिल बने लवकरच मोठ्या पडद्यावर एकत्र काम करताना दिसणार आहेत. (Gaurav More and Nikhil Bane in Boyz 4)
विशाल सखाराम देवरुखकर यांच्या ‘बॉईज’ फ्रॅन्चायझीमधील चौथा भाग ‘बॉईज ४’ लवकरच प्रेक्षकांच्या भेटीला येणार आहे. या चित्रपटात अभिनेता पार्थ भालेराव, प्रतीक लाड, सुमंत शिंदे, अभिनय बेर्डे, रितिका श्रोत्री, ऋतुजा शिंदे, जुई बेंडखळे यांच्यासह ‘महाराष्ट्राची हास्यजत्रा’ कार्यक्रमातील कलाकार गौरव मोरे व निखिल बने देखील झळकणार आहेत. नुकतंच चित्रपटातील कलाकारांचे पोस्टर्स प्रदर्शित करण्यात आले आहे. ज्यामध्ये हे सर्व कलाकार दिसत आहे.
‘बॉईज ४’ चित्रपटातून अभिनेता निखिल बने मोठ्या पडद्यावर पदार्पण करत आहे. दरम्यान, गौरवने त्याच्या इन्स्टाग्राम अकाउंटवर निखिलचा चित्रपटातील पोस्टर शेअर केला आहे. ज्यात त्याने म्हटलंय, “बने, आपण आहोत रे Boyz4 मध्ये! ही दोस्ती तुटायची नाय!” गौरवच्या या पोस्टवर हास्यजत्रेतील कलाकारांनी कमेंटद्वारे निखिलचे अभिनंदन केले आहे.
हे देखील वाचा – Video : ‘महाराष्ट्राची हास्यजत्रा’मधील कलाकारांनी जल्लोषात केली बाप्पाची आरती, व्हिडीओ होतोय सर्वत्र वायरल
अभिनेत्री सई ताम्हणकरने “Woooooo! आज तो आईसा दिन बने !!”, अशी कमेंट केली आहे. तर हास्यजत्रेतील सहकलाकार समीर चौघुलेने या पोस्टवर कमेंट करत म्हटलंय, “ये बने..ये हुई न बात….खूप खूप मस्त वाटल भावा”. प्रियदर्शिनी इंदलकर, वनिता खरात, श्याम राजपूत या हास्यजत्रेतील सहकलाकारांसह अन्य कलाकार व नेटकऱ्यांनी कमेंट करत गौरव व निखिलचे अभिनंदन केले आहे.
हे देखील वाचा – ‘आई कुठे काय करते’ मालिकेच्या सेटवर गणरायासाठी बनवला नयनरम्य देखावा, मिलिंद गवळींनी व्हिडीओ शेअर करत म्हटलं, “माझं भाग्य की…”
सध्या गौरवकडे ‘बॉईज ४’ व्यतिरिक्त ‘अंकुश’, ‘महापरिनिर्वाण’, ‘लंडन मिसळ’, ‘संगी’ या मराठी व हिंदी चित्रपटांची रांग आहे. तर ‘बॉईज ४’ हा निखिलचा पहिलाच चित्रपट आहे. येत्या २० ऑक्टोबरला ‘बॉईज ४’ चित्रपट संपूर्ण महाराष्ट्रभरात प्रदर्शित होणार आहे.
