‘महाराष्ट्राची हास्यजत्रा’ या कार्यक्रमामधील कलाकार हे नेहमीच कोणत्या ना कोणत्या कारणांनी चर्चेत राहत असतात. या कार्यक्रमातील प्रत्येक कलाकाराला प्रेक्षकांनी भरभरुन प्रेम दिलं. ‘महाराष्ट्राची हास्यजत्रा’मधील समीर चौघुले, प्रसाद खांडेकर, नम्रता संभेराव यांच्यासह पृथ्विक प्रताप, ओंकार राऊत यांमसारखे नवोदीत कलाकारही लोकप्रिय झाले. अशा काही प्रसिद्ध कलाकारांपैकी एक कलाकार म्हणजे दत्तू मोरे.
दत्तूने आजवर या कार्यक्रमात विविध भूमिका साकारत प्रेक्षकांना खळखळून हसवलं आहे. आपल्या विविध विनोदी भूमिकांनी कायमच चर्चेत राहणारा दत्तू सोशल मीडियावरही तितकाच सक्रिय असतो. सोशल मीडियावर तो त्याच्या कामाची माहिती व काही फोटो व व्हिडीओ शेअर करत असतो. अशातच त्याने नुकतीच शेअर केलेली एक खास पोस्ट सर्वांचे लक्ष वेधून घेत आहे. दत्तूने त्याच्या लग्नाच्या वाढदिवसानिमित्त एक पोस्ट शेअर करत बायकोला लग्नाच्या वाढदिवसानिमित्त शुभेच्छा दिल्या आहेत.
“लग्नाच्या वाढदिवसाच्या हार्दिक शुभेच्छा, असेच छान एकत्र राहु आणि एकमेकांना सांभाळून घेत जाऊ. माझं तुझ्यावर खूप प्रेम आहे” असं म्हणत उम्म्म्मम गिफ्ट.?, लवकरच…” असंही गमंतीने म्हटलं आहे. दत्तू व स्वाती यांनी २३ मे २०२३ रोजी गुपचुप पद्धतीने एकमेकांबरोबर विवाहगाठ बांधली होती. कोर्ट मॅरेज पद्धतीने त्यांचा विवाहसोहळा पार पडला होता. दत्तूने त्याच्या लग्नाबाबत कुठेही भाष्य केलं नव्हतं. त्याच्या प्री-वेडिंगचे फोटो सोशल मीडियावर व्हायरल झाल्यानंतर चाहत्यांना सुखद धक्का बसला होता.
दरम्यान, ‘महाराष्ट्राची हास्यजत्रा या कार्यक्रमात दत्तू आधी प्रोडक्शन डिपार्टमेंट मध्ये काम करत होता. पण त्याच्या कलागुणांना ओळखून त्यांना स्टेजवर परफॉर्म करण्याची संधी देण्यात आली. आणि दत्तूने त्या संधीच सोनं केलं. त्यामुळे आज महाराष्ट्रात दत्तूच्या अभिनयायाचे व विनोदाचे अनेक चाहते आहेत. त्याने शेअर केलेल्या या पोस्टवर त्याच्या अनेक चाहत्यांसह कलाकारांनी त्याला लग्नाच्या वाढदिवसाच्या शुभेच्छा दिल्या आहेत.
