‘महाराष्ट्राची हास्यजत्रा’ कार्यक्रमातील सर्वच कलाकारांवर प्रेक्षक भरभरुन प्रेम करत असतात. ‘महाराष्ट्राची हास्यजत्रा’ मधील प्रसिद्ध कलाकारांपैकी एक कलाकार म्हणजे दत्तू मोरे. ‘वन अँड ओन्ली’ अशी ओळख असलेल्या दत्तूने आजवर त्याच्या अभिनयशैलीने प्रेक्षकांची मन जिंकली आहेत. प्रेक्षकांच्या लाडक्या दत्तूने काही दिवसांपूर्वीच चाहत्यांना सुखद धक्का दिला. दत्तूने काही दिवसांपूर्वीच विवाह बंधनात अडकला. त्याच्या लग्न सोहळ्याचे खास फोटो त्यांने सोशल मीडियावरुन शेअर करत ही गुडन्यूज त्याने दिली. (Dattu More On Wife)
अचानक समोर आलेल्या दत्तूच्या लग्नाच्या बाबतीतल्या निर्णयामुळे साऱ्यांनाच धक्का बसला होता. कारण यापूर्वी दत्तूने त्याच्या लग्नाबाबत, त्याच्या पत्नीबाबत कोणताच खुलासा केला नव्हता. अत्यंत साधेपणाने कोणताही थाटमाट न करता दत्तूचा लग्नसोहळा पार पडला. दत्तूच्या लग्नाला सिनेसृष्टीतील अनेक कलाकार मंडळींनी हजेरी लावलेली पाहायला मिळाली. तसेच दत्तूच्या लग्नाच्या प्री-वेडिंगची बरीच चर्चा रंगली. आजवर दत्तूच्या विनोदांना रसिकांचे भरपूर मनोरंजन केलं आहे. त्याचा मिश्किलपणा, खट्याळ प्रवृत्ती ही त्याच्या व्यक्तिमत्त्वाची खासियत आहे. दत्तू मंचावर आला की विनोदाची आतिषबाजी होते.
सोशल मीडियावरही दत्तू बऱ्यापैकी सक्रिय असतो. नेहमीच तो काही ना काही शेअर करत चाहत्यांच्या संपर्कात राहत असतो. अशातच दत्तूने सोशल मीडियावरुन शेअर केलेल्या एका पोस्टने साऱ्यांच लक्ष वेधून घेतलं आहे. दत्तूने त्याची ही पोस्ट त्याच्या बायकोच्या कौतुकास्पद शेअर केली आहे. दत्तू मोरेची बायको स्वाती घुनागे ही पेशाने डॉक्टर आहे. स्वाती ही व्यवसायाने डॉक्टर असून ती स्त्रीरोग तज्ञ असून तिचं पुण्यात स्वत:चं क्लनिक आहे. स्वाती ही डॉक्टर असल्याबरोबरच अनेक सामाजिक कार्यात सक्रीय असते. अशातच स्वातीच्या नव्या सुरुवातीबाबत, आयुष्यात टाकलेल्या एका नव्या पाऊलाबाबत दत्तूने खास पोस्ट शेअर केली आहे.
दत्तूच्या पत्नीने ठाण्यात तिचं नवं क्लिनिक सुरु केलं आहे. बायकोच्या या निर्णयाचं भरभरुन कौतुक करणारी पोस्ट त्याने इंस्टाग्राम अकाउंटवरुन शेअर केली आहे. ही पोस्ट शेअर करत त्याने बायकोबरोबर क्लिनिक बाहेरचे फोटो शेअर केले आहेत, यांसह कॅप्शन देत त्याने लिहिलं आहे की, “आयुष्य कितीही कठीण वाटत असले तरी तुम्ही सोप्प करु शकता आणि यशस्वी होऊ शकता. घुनागे हॉस्पिटलनंतर बायकोचं ठाण्यातील पहिलं क्लिनिक. अजून एक नवीन सुरुवात. प्रिय बायको, तुला खूप खूप शुभेच्छा आणि खूप खूप प्रेम” असं म्हणत त्याने बायकोचं कौतुक करत तिला शुभेच्छाही दिल्या आहेत.