PCOD PCOS problems : Pcod आणि pcos बद्दल आजकाल सर्रासपणे ऐकायला मिळत आहे. सध्या स्त्री वर्गात याचं प्रमाण वाढत चाललंय पण हे असं का होतंय किंवा याची लक्षणे काय आहेत याबाबत फार कमी जणांना ठाऊक असेल. PCOD म्हणजे Polycystic Ovarian Disease, आणि PCOS म्हणजे Polycystic Ovary Syndrome.
या दोन्ही स्थितींमध्ये स्त्रीच्या अंडाशयात लहान लहान गाठी तयार होतात. यामुळे शरीरात हार्मोन्सचं संतुलन बिघडतं आणि त्यामुळे विशेषतः पुरुष हार्मोन म्हणजेच अँड्रोजेन्स वाढतात. या हार्मोनल असंतुलनामुळे महिलांच्या शरीरात अनेक बदल दिसू लागतात.
या बदलांमध्ये मासिक पाळी अनियमित होणे किंवा थांबणे, चेहऱ्यावर, हात-पायांवर जास्त केस येणे,मुरुमं आणि त्वचेवर तेलकटपणा, केस गळणे किंवा टक्कल पडणे,वजन वाढणे, विशेषतः पोटाभोवती थकवा, चिडचिड, मूड स्विंग्स त्याचबरोबर गर्भधारणेस अडथळा निर्माण होतो. तर असे बरेच लक्षणे दिसून येतात पण यासंबंधित स्त्रीतज्ञांचा सल्ला घेणं गरजेचं आहे.त्याचबरोबर काही चांगल्या सवयीही लावून घेणं तितकंच महत्त्वाचं आहे.
आणखी वाचा – मासिक पाळीच्या गोळ्या घेणं योग्य की अयोग्य?, डॉक्टरांचा मोठा खुलासा, म्हणाल्या, “साध्या कारणांसाठी…”
फायबरयुक्त संतुलित आहार, नियमित व्यायाम करणे, पुरेशी झोप घेणे आवश्यक आहे, मेडिटेशन करणंही तितकंच गरजेचं आहे पण याचबरोबर याची योग्य ती औषधेपण घ्यायला हवीत. बऱ्याच जणांचं असं मत आहे की, एखाद्या स्त्रीला pcod किंवा pcos असेल तर तिला भविष्यात गरोदरपणात अडथळे येतात किंवा तिला बाळ होऊच शकत नाही पण हा गैरसमज पूर्णपणे चुकीचा आहे.
ही एक वैद्यकीय अडचण आहे पण योग्य उपचारांनी यावर मातही करता येते. महत्त्वाचं म्हणजे, ही गोष्ट लपवू नका, लाजू नका आणि हा प्रॉब्लेम होणाऱ्या मुलींना, महिलांना आधार देणंही गरजेचं आणि आणि त्यांना समजून घेतलं पाहिजे. PCOD / PCOS ही सामान्य पण गंभीर आरोग्यसमस्या आहे. याबद्दल माहिती असणं, वेळेवर निदान होणं,आणि योग्य उपचार घेणं हे देखील खूप महत्त्वाचं आहे.
