lakshmi niwas promo : ‘झी मराठी’ वाहिनीवरील अनेक मालिकांनी प्रेक्षकांचं मन जिंकलं आहे. पण सध्या ‘लक्ष्मी निवास’ या मालिकेने प्रेक्षकांचं विशेष लक्ष वेधून घेतलं आहे. मालिकेतील जयंत आणि जान्हवीच्या जोडीला प्रेक्षकांचं अपार प्रेम मिळत आहे. या मालिकेत कलाकारांची फौज पाहायला मिळत आहे. प्रत्येक कलाकाराने त्यांच्या भूमिकेने रसिकांच्या मनात घर केलं आहे. मालिकेचं कथानकही नेहमीच काही ना काही ट्विस्ट आणताना दिसतं. मालिकेत जयंत आणि जान्हवी यांचा सुरु असलेला ट्रक फार कमी लोकांना आवडत आहे. कारण मालिका सुरु झाल्यापासून जयंतने जान्हवीचा फक्त छळ केला आहे. जे बऱ्याचदा प्रेक्षकांना खटकलं आहे.
मालिकेत जयंतच्या क्रूर वागणुकीला जान्हवी कशी सामोरे जाणार आणि त्याला ती कसं सुधारणार, त्याला केव्हा अद्दल घडवणार याकडे साऱ्यांच्या नजरा लागून राहिल्या होत्या. आता मालिकेत आलेल्या ट्विस्टनुसार प्रेक्षकांची ही इच्छाही लवकरच पूर्ण होणार आहे. अर्थात असं काही पाहणंही प्रेक्षकांसाठी खूपच मनोरंजक ठरणार आहे. अशातच ‘झी मराठी’ वाहिनीने मालिकेचा नवीन प्रोमो शेअर केला असून त्यात एक नवा ट्विस्ट पाहायला मिळतोय.
आणखी वाचा – प्रिया मराठेला जाऊन १३ दिवस…; अभिनेत्रीचा ‘तो’ फोटो पाहून साऱ्यांचे डोळे पाणावले, कर्करोगाशी झुंज ठरली अपयशी
आतापर्यंतच्या कथेत जयंत फक्त जान्हवीला शिक्षा देताना दिसला होता. पण या नव्या प्रोमोमध्ये जान्हवी आता जयंतलाच शिक्षा देणार असल्याचं समोर आलं आहे. प्रोमोमध्ये जान्हवी जयंतला शिक्षा देण्यासाठी त्याला सोडून जाण्याचं सांगत धमकावताना दिसत आहे. जान्हवी निघून गेल्याची वार्ता कळताच जयंत व्याकुळ होतो आणि डोळ्यात पाणी आणत “मला सोडून नको जाऊ” अशी विनवणी करताना दिसतो. त्यावर जान्हवी म्हणते “आजवर तू मला खूप शिक्षा दिलीस, पण आता मी हे सहन करणार नाही. आजवर जसं तू मला सीसीटीव्हीच्या नजरेत कैद केलं, तसं आता मी तुला माझ्या बंधनात ठेवणार आहे. जर तुला मी हवी असेन, तर तुला माझं सगळं ऐकावंच लागेल”, असं म्हणत त्याला थेट इशारा देते.
आता जान्हवीच्या या कडक भूमिकेचा परिणाम जयंतवर होणार का?, आणि ती त्याला नेमकी कोणती शिक्षा देणार?, जान्हवीच्या या कडक निर्णयामुळे जयंत सुधारणार का?, की याउलट तो जान्हवीला आणखी त्रास देणार हे सारं मालिकेच्या येणाऱ्या भागात पाहणं रंजक ठरणार आहे.
