farah khan cook dilip : फराह खान आणि तिचा कुक दिलीप नेहमीच कोणत्या ना कोणत्या कारणामुळे चर्चेत असतात. दोघांनाही त्यांच्या व्हिडीओमुळे अधिक लोकप्रियता मिळाली आहे. या दोघांची केमिस्ट्री आणि धमाल-मस्ती प्रत्येक व्हिडीओद्वारे पाहायला मिळते. दोघांच्याही स्वभावाने चाहत्यांची मने जिंकली आहेत. अलीकडेच, फराह आणि दिलीप यांनी व्हिडीओसाठी बोमन इराणीला गाठले. बोमन इराणी यांनी त्यांना पारसी डिश बनवण्यास शिकवले. शिकता शिकता त्यांच्यात अनेक गमती-जमतीही झाल्या. कॅमेरा बंद होताच फराह खान कशी वागते आणि तिचा स्वभाव नेमका कसा आहे, याबद्दल तिचा कुक दिलीपने भाष्य केलं.
व्हिडीओमध्ये, फराह खान कुक दिलीपला चेतावणी देताना दिसत आहे. ती दिलीपला असं सांगतेय की, जर ती बोमन इराणीसमोर झुकली तर तिचा नवरा शिरिश कुंदरला याबाबत काहीही सांगू नको. फराह म्हणाली की, बोमन इराणी तिचे आवडते आहे. यावर, बोमन इराणी कुक दिलीपला एकट्यात बोलण्यासाठी बाजूला नेतो. कॅमेराचे शूटिंग थांबवत त्याने दिलीपला काही गोष्टी विचारल्या.
बोमन इराणीने दिलीपला विचारले, “कॅमेरासमोर फराह खान जितकं चांगलं बोलते, तर कॅमेरा बंद असताना ती तितकंच चांगलं बोलते का?”. यावर दिलीप म्हणतो, “खूप खडूस आहे”. बोमनने पुन्हा विचारले की फराह खान नेहमीच त्याच्या समोर त्याची स्तुती करते, परंतु कॅमेर्याच्या मागेही करते का? यावर, दिलीप म्हणाला, “नाही, ती खूप वाईट बोलते”.
बोमन इराणीने पुन्हा विचारले की, “फराह खान डाएटवर आहे का?, आणि डाएटसाठी ती काय खाण्याला प्राधान्य देते?”. यावर दिलीप म्हणाला, “फराह मॅम डाएटवर नाही आहेत. त्या खूप सारं खातात. जेव्हा ते डाएट वर असतात तेव्हा डाळ-भात, सूप-भात…पण जेव्हा डाएट सुरु नसतो तेव्हा त्या खूप खातात”. दिलीपबद्दल बोलायचे झाले तर, फराह खानच्या व्हीलॉग्समुळे त्याला स्टारडम मिळाले आहे. दिलीप बराच काळ फराहबरोबर काम करत आहे. फराहने सांगितले होते की, दिलीप तिला अजय देवगनच्या बंगल्याच्या बाहेर भेटला होता. दिलीपचा भाऊ भोला अजय देवगनकडे काम करतो. दिलीपचे कुटुंब बिहारमध्ये राहते आणि फराह त्याच्या मुलांना इंग्रजी माध्यम शाळेत शिकवत आहे.
