‘झी मराठी’ वाहिनीवरील ‘शिवा’ या मालिकेला प्रेक्षक पसंती देत आहेत. मालिकेच्या कथानकावर आणि शिवा या पात्रावर प्रेक्षक भरभरुन प्रेम करताना दिसत आहेत. या मालिकेत शिवा हे पात्र अभिनेत्री पूर्वा फडके साकारत आहे. शिवा या मालिकेतून पुर्वा घराघरात पोहोचली. अभिनेत्रीने ‘शिवा’ या मालिकेआधी ‘फुलाला सुगंध मातीचा’, ‘अजूनही बरसात आहे’, ‘भाग्य दिले तू मला’ या मालिकांमध्ये महत्त्वपूर्ण भूमिका साकारल्या आहेत. मात्र पूर्वा शिवा या मालिकेतून मध्यवर्ती भूमिका साकारताना दिसत आहे. (Purva phadke husband)
शिवा हे पात्र साकारत पूर्वाने प्रेक्षकांना आपलंस केलं आहे. तर शिवाची स्टाईल, तिचं वागणं, बोलणं आणि मदतीसाठी कायम तत्पर असणं प्रेक्षकांना प्रचंड आवडत आहे. मालिकेतील मुख्य भूमिकेसाठी शिवाने तिचा लूक खरंच बदलला आहे. अभिनेत्रीने हवा तसा लूक यावा म्हणून आणि भूमिका उत्तम दिसावी म्हणून केसही कापले आहेत. याबाबतचा खुलासा तिने ‘इट्स मज्जा’ला दिलेल्या मुलाखतीत केला आहे. या व्यतिरिक्त पूर्वा ‘क्लिक’ या माईम ऍक्ट द्वारे प्रेक्षकांचं मनोरंजन करत आहे.
सध्या शिवा या मालिकेत आशु व शिवाची लगीनघाई पाहायला मिळत आहे. मालिकेत शिवाच्या बहिणीचं आशुबरोबर लग्न होणार असतं मात्र ऐनवेळी आशुची शिवाशी लगीनगाठ बांधली जाते. मालिकेतील शिवाचं खऱ्या आयुष्यातही लग्न झाले आहे. खऱ्या आयुष्यात पूर्वाच लग्न झालं असून तिचा नवराही सिनेविश्वात कार्यरत आहे. पूर्वाचं लग्न प्रकाशयोजनाकार अमोघ फडकेसह झालं आहे. त्यांच्या लग्नाला ५ वर्ष पूर्ण झाली आहेत.
अभिनेत्रीचा नवरा विविध नाटकांसाठी लाईट्सचं काम पाहत आहे. अमोघला या क्षेत्राशी निगडित म्हणजेच ‘झी नाट्य गौरव’ सर्वोत्कृष्ट प्रकाशयोजना व्यावसायिक नाटक जन्मवारी हा पुरस्कार मिळाला आहे. तर याचसह अमोघने आजवर ‘जर तरची गोष्ट’, ‘चर्चा तर होणारच’, ‘कुर्रर्रर्र’ या व अश्या बऱ्याच नाटकांसाठी प्रकाशयोजनाची धुरा सांभाळली आहे. पूर्वा व अमोघ यांचं वैवाहिक आयुष्यही आनंदात सुरु आहे. आपापल्या कामातून ब्रेक घेत दोघेही क्वालिटी टाइम स्पेंड करताना दिसतात.