Nupur Shikhare and Ira Khan Marriage : अभिनेता अमीर खानच्या लेकीची लगीनघाई सुरु असलेली पाहायला मिळत आहे. काही दिवसांपासून आयरा खान व नुपूर शिखरे यांच्या लग्नाची धामधूम सुरु असलेली पाहायला मिळत आहे. अगदी धुमधडाक्यात लग्नापूर्वीचे विधीही पार पडलेले पाहायला मिळाले. यानंतर आयरा व नुपूरने कोर्ट मॅरेज करत त्यांचं लग्न उरकलं. यावेळच्या त्यांच्या हटके ड्रेसिंग स्टाईलने साऱ्यांचं लक्ष वेधून घेतलं. बॉलिवूडच्या दिग्गज मंडळींनी या रिसेप्शन सोहळ्याला हजेरी लावलेली पाहायला मिळाली.
यानंतर आमिर खानच्या लेकीचे आणखी दोन रिसेप्शन मोठ्या थाटामाटात होणार आहेत. राजस्थान येथील उदयपूर येथे एक आणि दिल्ली येथे एक अशा दोन ठिकाणी लग्नाच्या रिसेप्शनचा शाही थाटमाट असणार आहे. ८ जानेवारी रोजी आयरा व नुपूर रॉयल अंदाजात उदयपूर येथे लग्न करणार आहेत. त्यासाठी जवळच्या कुटुंबियांसह ते उदयपूरला रवाना झाले आहेत. दयपूरच्या ताज अरवली हॉटेलमध्ये अत्यंत शाही पद्धतीने अतिशय आलिशान हॉटेलमध्ये दोघांचे लग्न पार पडणार आहे. या हॉटेलमध्ये सर्व सुखसोयी व सुविधा आहेत.
आयरा-नुपूरच्या लग्नाला २५०हून अधिक पाहुणे उपस्थित राहणार असल्याचे सांगण्यात येत आहे. हॉटेलच्या आजूबाजूचा हिरवागार हिरवळ असलेला परिसर नयनरम्य आहे. या हॉटेलमध्ये लक्झरी रुमअसून स्विमिंग पूलही आहेत. यामध्ये स्पा व जिम, फ्री वायफाय तसेच बारची सुविधादेखील आहे. एका रात्रीचे जवळपास भाडे २५ हजार ते २९ हजार असल्याचं समोर आलं आहे. तसेच लक्झरी टेंट पॅनापरोमा रुमदेखील येथे उपलब्ध आहेत. आलिशान हॉटेलपासून ते पारंपरिक थाटमाट अशा सर्व सुविधा येथे उपलब्ध आहेत.
या हॉटेलमध्ये फॅमिली डायनिंग एरियादेखील आहे. आयरा – नुपूरच्या लग्नासाठी हॉटेलची संपूर्ण पार्श्वभूमी राजस्थानी लूकमध्ये सजवण्यात आली आहे. बाहेरच्या आवारात एक बोनफायर व जेवणाची खास जागाही तयार करण्यात आहे. येथून थेट लाईव्ह गाणी ऐकता येणार आहेत. शिवाय आजूबाजूचा नयनरम्य परिसरही नजरेत कैद करायला मिळणार आहे.