मराठी नाटक, मालिका व चित्रपट अक्षय तिन्ही माध्यमांत अभिनय करत प्रेक्षकांचे मनोरंजन करणाऱ्या ज्येष्ठ अभिनेत्री महनेज उज्ज्वला जोग. उज्ज्वला यआणि आजवर अनेक चित्रपट व मालिकांमध्ये काम करत त्यांच्या अभिनयाची छाप सोडली आहे. अशातच उज्ज्वला यांचा आज वाढदिवस आहे आणि त्यांच्या वाढदिवसानिमित्त उज्ज्वला यांची मुलगी व अभिनेत्री क्षिती जोगने एक खास पोस्ट शेअर केली आहे. अभिनेत्रीने आईच्या वाढदिवसानिमित्त त्यांचे काही खास जुने व नवीन फोटो शेअर केले आहेत. (Kshitee Jog On Instagram)
“राणीसारखे आयुष्य जग” असं म्हणत क्षितीने आपल्या आईला वाढदिवसाच्या हार्दिक शुभेच्छा दिल्या आहेत. क्षितीने शेअर केलेल्या या व्हिडीओमध्ये उज्ज्वला जोग यांच्या काही खास जुने फोटो दिसत आहेत. यात एका फोटोमध्ये उज्ज्वला विहिरीत उडी मारताना दिसत आहे तर एका फोटोमध्ये त्या झोपाळ्यावर आंदण घेत आहेत, त्याचबरोबर एका फोटोमध्ये त्या आंबे खातानाही दिसत आहेत. तर आणखी एका फोटोमध्ये त्या गॉगल लावलेला डॅशिंग लूकदेखील शेअर केला आहे.
क्षितीने शेअर केलेल्या या व्हिडीओखाली अनेकांनी कमेंट्स करत उज्ज्वला यांना वाढदिवसाच्या सुभेच्छा दिल्या आहेत. सुकन्या मोने, अभिज्ञा भावे, नम्रता संभेराव, ऋतुजा देशमुख यांसह अनेक कलाकारांनी त्यांना वाढदिवसाच्या शुभेच्छा दिल्या आहेत. या सगळ्यात हेमंत ढोमेच्या एका कमेंटने साऱ्यांचेच लक्ष वेधून घेतले आहे. हेमंतने “सासू माझी ढासूला प्रकटदिनाच्या खूप खूप शुभेच्छा” असं म्हणत कमेंट केली आहे. हेमंतचे ही कमेंट सर्वानाच आवडली असून या कमेंटला नेटकऱ्यांनी लाईक्स करत चांगलंच प्रतिसाद दिला आहे.
दरम्यान उज्ज्वला जोग यांच्याबद्दल सांगायचे झाले तर त्यांनी आजवर मालिका चित्रपटांमधून गंभीर तसेच विनोदी अशा विविधांगी भूमिका साकारल्या आहेत. ‘कुंकू लावते माहेरचं’, ‘नवरा बायको’, ‘सौभाग्य कांकन’, ‘कन्यादान’, ‘जाऊ तिथे खाऊ’, ‘झिम्मा’ अशा अनेक प्रकल्पांमधून कधी सोज्वळ तर कधी विनोदी भूमिका साकारल्या आहेत.
