Happy Birthday Prajakta Mali : मराठी मालिका, चित्रपट, वेबसीरिजमध्ये विविध भूमिका साकारत प्रेक्षकांच्या मनावर अधिराज्य गाजवणारी अभिनेत्री म्हणजे प्राजक्ता माळी. प्राजक्ताने कलाक्षेत्रामध्ये स्वतःचं एक वेगळं स्थान निर्माण केलं आहे. इतकंच नव्हे तर ही नाविन्यपूर्ण अभिनेत्री व्यावसायिक क्षेत्रातही उतरली. तिचे पुण्यामध्ये स्वतःचे डान्स क्लासेस आहेत. शिवाय काही महिन्यांपूर्वीच तिने स्वतःचा ज्वेलरी ब्रँड सुरु केला. प्राजक्ता इथवरच थांबली नाही. तिने कर्जतमध्ये निसर्गाच्या सानिध्यात स्वतःचं आलिशान फार्महाऊस तयार केलं आहे. आज तिचा वाढदिवस आहे. वाढदिवसानिमित्त ती या फार्महाऊसवर कुटुंबियांसह धमाल-मस्ती करत आहे. यशाच्या शिखरावर असताना प्राजक्ता लग्न कधी करणार? हा तिच्या चाहत्यांना पडलेला प्रश्न आहे. मध्यंतरी तिचा लग्नाबाबतचा असाच एक व्हिडीओ सोशल मीडियावर व्हायरल झाला.
प्राजक्ता लग्न कधी करणार? असा प्रश्न तिला सातत्याने विचारला जातो. काही महिन्यांपूर्वी ती श्री श्री रविशंकर यांच्या बंगळूर येथील आश्रमात गेली होती. यावेळी तिने श्री श्री रविशंकर यांना “लग्न करणं गरजेचं आहे का?” असा प्रश्न विचारला. यावर त्यांनी दिलेलं उत्तर आणि प्राजक्ताचा व्हिडीओ सोशल मीडियावर वेगाने व्हायरल झाला.
आणखी वाचा – काय झाडी, काय डोंगर, काय धबधबा…; प्राजक्ता माळीचं आलिशान फार्महाऊस पाहिलंत का? कुटुंबासह केली धमाल-मस्ती
प्राजक्ताच्या या प्रश्नावर श्री श्री रविशंकर यांनी म्हटलं होतं की, “हे तू मला विचारत आहे. असं असतं तर कधीच माझ्या बाजूला अजून एक खुर्ची दिसली असती. लग्न करणं काही गरजेचं आहे असं नाही. नेहमीच खूश राहणं महत्त्वाचं आहे. तुम्ही लग्न करुन अथवा एकटं राहून खूश राहा”. श्री श्री रविशंकर बोलत असताना सगळ्यांच्या चेहऱ्यावर एक हास्य होतं.
आणखी वाचा – सुप्रसिद्ध अभिनेत्याच्या पत्नीचं हृदयविकाराच्या झटक्याने निधन, याच महिन्यात लग्नाचा वाढदिवस होता पण…
पुढे ते म्हणाले, “काही लोक लग्न केलं तरी दुःखीच दिसतात. तसेच एकटं राहिलं तरी दुःखी असतात. तुम्हाला कसं राहायचं आहे हे तुम्ही स्वतः निवडा. नेहमी आनंद राहणं हे सगळ्यात महत्त्वाचं आहे”. प्राजक्ताने हा व्हायरल व्हिडीओ तिच्या इन्स्टाग्राम अकाऊंटद्वारेही शेअर केला होता.