“रिस्क है तो इश्क है!” असं म्हणत २०२० मध्ये ओटीटी प्लॅटफॉर्मवर धुमाकूळ घातलेल्या ‘स्कॅम’ फ्रॅन्चाइसीमधील बहुप्रतिक्षित वेबसीरिज ‘स्कॅम 2003 – द तेलगी स्टोरी’चा ट्रेलर अखेर प्रदर्शित झाला. २००३ साली उघडकीस आलेला देशातील सर्वात मोठा स्टॅम्प पेपर घोटाळा आणि त्यातील मुख्य सूत्रधार अब्दुल करीम तेलगी याच्या भोवती या वेबसीरिजचे कथानक फिरत आहे. ज्याचे दिग्दर्शन प्रसिद्ध दिग्दर्शक हंसल मेहता आणि तुषार हिरानंदानी यांनी केलं आहे. विशेष म्हणजे, या वेबसीरिजमध्ये अनेक मराठमोळे कलाकार झळकणार आहेत. (Scam 2003 The Telgi Story)
२०२० मध्ये आलेल्या ‘स्कॅम 1992 – द हर्षद मेहता स्टोरी’ या गाजलेल्या वेबसीरिज नंतर दिग्दर्शक हंसल मेहता ‘स्कॅम 2003 – द तेलगी स्टोरी’ ही वेबसीरिज घेऊन प्रेक्षकांच्या भेटीला येणार आहे. संजय सिंग यांच्या ‘तेलगी स्कॅम: रिपोर्टर्स डायरी’ या पुस्तकावरून ही वेबसीरिज प्रेरित असून दीड मिनिटांच्या या ट्रेलरची सुरुवात स्टॅम्प पेपर घोटाळ्याने होते. “सब में और मेरे में बहुत फरक है!” असं म्हणणाऱ्या तेलगीच्या या स्टोरीमध्ये पुढे काय घडणार आहे?, हे पाहणे औत्सुक्याचे ठरणार आहे.
हे देखील वाचा – सिद्धार्थ चांदेकरच्या आईच्या दुसऱ्या लग्नाचं मराठी कलाकारांना कौतुक, फोटो पाहताच निवेदिता सराफ म्हणाल्या, “तुझ्यासारखा मुलगा…”
अभिनेता गगन देव रियार हा अब्दुल करीम तेलगीच्या भूमिकेत दिसणार आहे. प्रेक्षकांचा लाडका अभिनेता भारत जाधव यात महत्वाच्या भूमिकेत दिसणार आहे. तर शशांक केतकर, राहुल दाभोलकर, समीर धर्माधिकारी असे अनेक मराठमोळे कलाकारही यामध्ये झळकणार आहेत. शिवाय, मुकेश तिवारी, सना अमीन शेख, शाद रंधावा हेदेखील यात दिसणार आहेत. १ सप्टेंबर पासून ही वेबसीरिज ‘Sony Liv’ या ओटीटी प्लॅटफॉर्मवर प्रदर्शित होणार आहे.
हे देखील वाचा – Video : “आम्हाला काय ऊत आलाय का?”, भर कार्यक्रमात जितेंद्र जोशी व अवधुत गुप्तेमध्ये जोरदार भांडण, व्हिडीओ व्हायरल
२०२० मध्ये ‘स्कॅम 1992 – द हर्षद मेहता स्टोरी’ नावाची वेबसीरिज आली होती, जी हर्षद मेहताच्या शेअर घोटाळ्यावर आधारित होती. यामध्ये मुख्य भूमिका साकारणारा प्रतीक गांधी प्रचंड लोकप्रिय ठरला आहे. आता ‘स्कॅम 1992’ नंतर ही वेबसीरिज प्रेक्षकांच्या पसंतीस उतरणार का? हे पाहणे औत्सुक्याचे ठरणार आहे. (Scam 2003 Trailer out)