who is girija oak : सध्या सोशल मीडियावर एका महिलेचे छायाचित्र लोकांमध्ये चर्चेत आहे. प्रत्येकजण एकच प्रश्न विचारत आहे, ही महिला कोण आहे? आता सर्वजण या सुंदर महिलेची चौकशी करत आहेत. ती कोण आहे आणि हे चित्र कुठले आहे त्याची उत्सुकता लागून राहिली आहे. ही मराठी अभिनेत्री म्हणजे गिरीजा ओक आणि ती अचानक एक्स (ट्विटर) वर सर्वाधिक चर्चेत असलेल्या नावांपैकी एक बनली आहे. निळी साडी आणि स्लीव्हलेस ब्लाउजमधील तिच्या फोटोंनी सर्वांमध्ये उत्सुकता वाढवली. एका हिंदी यूट्यूब चॅनेलवर नुकत्याच दिलेल्या मुलाखतीच्या या क्लिपने तिच्या आकर्षक आणि उत्स्फूर्त शैलीने लोकांना आश्चर्यचकित केले.
अनेकांनी असे विचारले, “ही कोण आहे?”. सोशल मीडियावर तिच्यासाठी अप्रतिम कॅप्शन आणि दाक्षिणात्य अभिनेत्रींशी तुलना करत कमेंट्सचा पूर आला होता. हा फोटो लाखोंच्या संख्येत पाहिला गेला. आणि त्यानंतर नेटकऱ्यांनी तिचे नाव गुगल आणि इंस्टाग्रामवर शोधले आणि व्हायरल फोटोमध्ये अभिनेत्री गिरीजा ओक दिसली. सोशल मीडियावर कोणीही एका रात्रीत सेन्सेशन बनू शकते आणि अशातच अभिनेत्री गिरिजा ओक ही “न्यू नॅशनल क्रश” होताना दिसतेय.
मराठी, हिंदी आणि कन्नड चित्रपटांमध्ये देखील गिरिजानं आजवर काम केल आहे. ती अभिनेते डॉ. गिरीश ओक यांची लेक आहे. प्रेक्षक फॅन्स यांनी ती न्यू नॅशनल क्रश आहे असं देखील जाहीरपणे सांगितलं. कायमच तिनं प्रेक्षकांचं लक्ष वेधून घेतलं आहे तिनं अनेक दर्जेदार प्रोजेक्ट्समध्ये काम सुद्धा केलं आहे.
गिरिजा प्रत्यक्षात मराठी, हिंदी आणि कन्नड प्रोजेक्टमध्ये दिसली आहे. ‘तारे जमीन पर’ (2007) आणि ‘शोर इन द सिटी’ (2010) या बॉलीवूड हिट चित्रपटांव्यतिरिक्त, तिने ‘जवान’ (2023) मध्ये विशेष भूमिका साकारल्या आहेत. नुकताच नेटफ्लिक्सवर प्रदर्शित झालेल्या ‘इंस्पेक्टर जेंडे’ या चित्रपटातही गिरिजा ओकने काम केले आहे. यामध्ये तिने मनोज बाजपेयी यांच्या पत्नीची भूमिका साकारली होती.
