अभिनेत्री गौतमी देशपांडे व मृणायी देशपांडे या बहिणी त्यांच्या अनेक रील्स व व्हिडीओमुळे चर्चेत असतात. गौतमी ‘माझा होशील ना’ व ‘सारे तुझ्याचसाठी’ या मालिकांमुळे घराघरांत पोहोचली. तर अभिनेत्री मृण्मयीने आजवर अनेक मालिका, चित्रपटांमधून प्रेक्षकांची मन जिंकली आहेत. सोशल मीडियावरही या दोघी कायम सक्रिय असतात. गौतमी कायम तिचे हटके अंदाजातील फोटो, तसेच पोस्ट शेअर करत असते. तिच्या पोस्टवर चाहतेही भरभरून कमेंट करत असतात. अशातच गौतमीच्या आणखी एका पोस्टने व पोस्टवरील कमेंटने साऱ्यांचं लक्ष वेधून घेतलं आहे. (Saie Tamhankar On Gautami Deshpande)
गौतमी देशपांडे एका विशेष कारणामुळे चर्चेत आली आहे, ती म्हणजे तिच्या रिलेशनशिपच्या चर्चांमुळे. काही दिवसांपूर्वी गौतमी व मृण्मयीनं एका लग्नसोहळ्यातले काही फॅमिली फोटो शेअर केले होते. दरम्यानचा एक फोटो पाहून गौतमीच्या रिलेशनशिपच्या चर्चांना उधाण आलं आहे.
मृण्मयी-गौतमीनं त्यांचे लग्न सोहळ्यादरम्यानचे वैयक्तिक फोटोही शेअर केले होते. दरम्यान त्यांनी एकत्र काढलेला एक फोटो लक्ष वेधून घेणारा ठरला. गौतमीने शेअर केलेल्या पोस्टमध्ये पहिल्या फोटोत मृण्मयी व तिचा नवरा स्वप्निल राव आहे. तर दुसऱ्या फोटोत स्वप्निल, मृण्मयी, गौतमी यांच्यासह स्वानंद तेंडुलकरही आहे. हाच फोटो चर्चेचं कारण ठरला आहे. या फोटोवर नेटकऱ्यांनी कमेंट करत गौतमीला प्रश्न विचारले आहेत.
गौतमीने स्वानंदबरोबरचा शेअर केलेला फोटो पाहून नेटकऱ्यांनी त्यांच्या रिलेशनशिपवर प्रश्न उपस्थित केले आहेत. एका नेटकऱ्याने कमेंट करत म्हटलं आहे की, ‘तेंडुलकरने देशपांडेंच्या मैदानावर सेन्च्युरी मारली वाटत’ अशी कमेंट केली आहे. तर आणखी एका चाहतीने, “गौतमी व स्वानंद खरंच, कृपया मी चुकीचा अर्थ काढत नसेन तर तुम्ही स्वतःच सांगा” अशा आशयाची कमेंट केली आहे. या पोस्टवरील अभिनेत्री सई ताम्हणकर हिने केलेली कमेंट लक्षवेधी ठरतेय. सईने गौतमी व स्वानंदच्या फोटोवर कमेंट करत म्हटलंय, ‘अरे स्वानंद तेंडुलकर !!’ सईच्या या कमेंटला उत्तर देत मृण्मयी फक्त ‘हम्म्म्म हम्म्म्म हम्म्म्म्म्म्म’ असं म्हटलं आहे.
स्वानंद तेंडुलकर हा ‘भाडिपा’चा व्हाइस प्रेसिडंट आहे. युट्यूबवरही त्याचा बोलबाला आहे. दरम्यान स्वानंदही एक कंटेट क्रिएटर असून सोशल मीडियावर त्याचे अनेक रील्स व्हायरल होताना पाहायला मिळतात.
