कलाविश्वातील अनेक मंडळी स्वत:चा वेगळा व्यवसाय उभारत आपली एक वेगळी ओळख निर्माण करत आहेत. अशातच आता यात आणखी एकाची भर पडली आहे आणि ती म्हणजे गौरी खान. बॉलिवूडचा किंग शाहरुख खानची पत्नी गौरी खानचे इंडस्ट्रीत वेगळे स्थान आहे. सर्वात लोकप्रिय व प्रसिद्ध अभिनेत्याची पत्नी असूनही गौरीने स्वतःची एक वेगळी ओळख कायम ठेवली आहे.
गौरी खान ही एक यशस्वी निर्माती असण्याबरोबरच एक इंटिरियर डिझायनर आहे. तिची स्वत:ची कंपनीदेखील आहे. आजवर अनेक कलाकारांची घरे सजवणाऱ्या गौरीने आता तिचा आणखी एक नवीन व्यवसाय सुरू केला आहे. गौरीने तिचे नवीन रेस्टॉरंट सुरू केले आहे. गौरीने तिच्या या नवीन रेस्टॉरंटचे फोटो सोशल मीडियावर शेअर केले आहेत.
गौरीने तिच्या या नवीन रेस्टॉरंटचे नाव ‘तोरी’ असं ठेवलं आहे. हे रेस्टॉरंट मुंबईतील वांद्रे येथील पाली हिल भागात आहे. गौरीने नुकतीच तिच्या सोशल मीडियाद्वारे ‘टोरी’ या रेस्टॉरंटची खास झलक दाखवली आहे. हे खास फोटो शेअर करत गौरीने “माझे पहिले रेस्टॉरंट ‘टोरी’ तुमच्यासाठी मुंबईत उघडले आहे” असं म्हटलं आहे.
आणखी वाचा – आदित्य नारायणच्या ‘त्या’ कृतीमागील सत्य आलं समोर, मॅनेजरने खुलासा करत म्हटलं “सुरुवातीला दुर्लक्ष केलं पण…”
गौरी खान एक चित्रपट निर्माती आणि एक उत्कृष्ट इंटिरिअर डिझायनर आहे. २००२मध्ये तिने पती शाहरुख खानबरोबर ‘रेड चिलीज एंटरटेनमेंट’ नावाचे प्रोडक्शन हाऊस सुरू केले. तसेच इंटिरिअर डिझायनर म्हणून गौरीने मुकेश अंबानी, करण जोहर, आलिया भट्ट व राल्फ लॉरेन यांसारख्या अनेक मोठमोठ्या सेलिब्रिटींच्या घरांची इंटिरिअरचे कामे केली आहेत.
