रकुल प्रीत सिंग व जॅकी भगनानी यांच्या लग्नाची जोरदार चर्चा रंगलेली पाहायला मिळत आहे. २१ फेब्रुवारीला रकुल व जॅकी लग्नबंधनात अडकणार आहेत. याआधीही त्याच्या लग्नाबाबत अपडेट येत होत्या. सुरुवातीला हे जोडपं परदेशात विवाहगाथा बांधणार होतं मात्र त्यानंतर आता त्यांनी त्यांचं लग्नाचे ठिकाण बदलल असून ते आता भारतात लग्न करणार आहेत. नकुल व जॅकी यांच्या लग्नाला कुटुंबीय व जवळचे मित्र उपस्थित राहणार असून २१ फेब्रुवारी रोजी त्यांचा शाही विवाहसोहळा गोव्यात होणार आहे. २० फेब्रुवारीला मेहंदी सोहळा आयोजित करण्यात आला आहे. त्यानंतर संध्याकाळी संगीत पार्टीचे आयोजन करण्यात आले आहे. (Rakul Preet Singh Jackky Bhagnani Wedding)
लग्नाला उपस्थित राहिलेल्या एका पाहुण्याने खुलासा करत सांगितलं की, “मेहंदीमध्ये कार्निव्हल वातावरण तयार करण्यापासून लग्नासाठी पेस्टल टोन निवडण्यापर्यंत, प्रत्येक फंक्शनची थीम वेगळी ठेवण्यात आली आहे”. ‘इंडिया टुडे’च्या वृत्तानुसार, रकुल प्रीत सिंह व जॅकी भगनानी यांचा भव्य विवाहसोहळा दक्षिण गोव्यातील ‘आयटीसी ग्रँड’ या आलिशान हॉटेलमध्ये होणार आहे. डेस्टिनेशन वेडिंगसाठी जवळचे मित्र व कुटुंब उपस्थित राहणार आहेत. या जोडप्याच्या जवळच्या सूत्राने सांगितले की, “दोघांनी गोव्यातील ‘आयटीसी ग्रँड’ हे हॉटेल निवडले आहे. गोव्याच्या शांत परिसरात वसलेली प्रशस्त मालमत्ता त्यांच्या सर्व उत्सवांसाठी योग्य आहे”, असंही ते म्हणाले.
आणखी वाचा – ‘सिंघम अगेन’ चित्रपटातील अर्जुन कपूरचा खतरनाक लूक आला समोर, दिसणार ‘या’ खास भूमिकेत
पुढे ते असंही म्हणाले की, “पाहुण्यांना फंक्शन व लग्नाच्या कलर थीमबद्दलदेखील माहिती देण्यात आली आहे. हे एक बीच वेडिंग आहे. रकुल व जॅकी या दोघांनाही समुद्र आवडतो, त्यामुळे त्यांच्या लग्नासाठी समुद्राशेजारी असणाऱ्या लोकेशनची निवड करण्यात आला आहे. हनिमूनचा कोणताही प्लॅन नाही कारण दोघेही लग्नानंतर लगेच कामावर परतणार आहेत”.
तत्पूर्वी, त्यांच्या लग्नाचे ठिकाण भारतात ठेवण्याच्या निर्णयाबद्दल बोलताना एका सूत्राने सांगितले की, “रकुल व जॅकीने सुरुवातीला त्यांचे लग्न प्रदेशात करण्याची योजना आखली होती. सुमारे सहा महिन्यांपूर्वी, सर्वकाही अगदी नियोजित होते. मात्र, डिसेंबरमध्ये भारतीय पंतप्रधानांच्या लक्षद्वीप दौऱ्यानंतर त्यांनी भारताची निवड करण्याचा विचार केला. त्यानंतरच रकुल व जॅकीने त्यांचा प्लॅन बदलला” असल्याचं सूत्रांनी सांगितलं.
