ओटीटीवर सध्या नवनवीन वेबसीरिज प्रेक्षकांच्या भेटीला येत आहेत. चित्रपट, मालिकांपेक्षा सध्या वेबसीरिजला खूप जास्त पसंती मिळत आहे. त्यातील एक लोकप्रिय वेबसीरिज ‘पंचायत’चा नवीन सीझन प्रेक्षकांच्या भेटीला येणार आहे. पुन्हा एकदा फुलेरा गावातील मजा मस्ती पाहायला मिळणार आहे. २०२० साली या सीरिजचा पहिला सीझन प्रेक्षकांच्या भेटीला आला होता. गावची पार्श्वभूमी असलेल्या आणि काहीतरी नवीन विषय असल्याने या सीरिजला खूप पसंती मिळाली होती. पहिल्या सीझनच्या यशानंतर २०२२ साली दूसरा सीझनदेखील प्रदर्शित करण्यात आला होता. यालादेखील प्रेक्षकांचे भरभरून प्रेम मिळाले. त्यानंतर या सीरिजचे चाहते तिसऱ्या सीझनची वाट पाहू लागले. पण ही प्रतीक्षा आता संपली आहे. (panchayat webseries season 3 update)
२०२० साली आलेल्या या वेब सीरिजने सगळ्यांचीच मने जिंकली होती. यामध्ये जितेंद्र कुमार, रघुबीर यादव, चंदन रॉय, निना गुप्ता, अशोक पाठक आंचल तिवारी हे मुख्य भूमिकांमध्ये दिसून आले होते. सर्वांच्याच भूमिका अप्रतिम असून संगल्याने त्यांचे काम चोख पार पाडले आहे. दुसऱ्या सीझननंतर सगळे जण तिसऱ्या सीझनची आतुरतेने वाट पाहू लागले होते. प्रेक्षकांची प्रतीक्षा लवकरच संपणार असून ‘पंचायत’च्या निर्मात्यांनी तिसऱ्या सिझनच्या प्रदर्शनाची तारीख सांगितली आहे.
सगळ्यांची आवडती सीरिज ‘पंचायत ३’ आता २८ मे २०२४ रोजी ‘प्राइम व्हिडीओ’वर प्रेक्षकांच्या भेटीला येणार असल्याचे जाहीर करण्यात आले आहे. याबद्दलची माहिती ‘प्राइम व्हिडीओ’ने सोशल मीडियाच्या माध्यमातून दिली आहे. सोशल मीडियावर सीरिजचे पोस्टर शेअर करत लिहिले आहे की, “तुम्ही सर्व दुधी बाजुला केलीत, आम्ही तुम्हाला आता रिवॉर्ड देऊ. ‘पंचायत सीझन ३’ आता २८ मे पासून प्राइमवर पहा”.
आणखी वाचा – “खूप गैरसमजही झाले पण…”, ‘चला हवा येऊ द्या’ला १० वर्ष होऊनही कार्यक्रमात न दिसण्यावरुन निलेश साबळेचा खुलासा, म्हणाला, “माझ्या न येण्याने…”
प्रदर्शनाच्या तारखेची घोषणा करण्याआधी सीरिजच्या निर्मात्यांनी चाहत्यांसाठी एक प्रश्न तयार केला होता. त्यांनी एका चित्रांमध्ये खूप सारे दुधी दाखवले होते. ते हटवायचे होते. काही लोक हा गेम खेळताना खूप वैतागलेदेखील. काहींनी खूप छान खेळले तर काहींना हे खेळायला जमलेच नाही.
दरम्यान प्रदर्शनाची तारीख समोर आल्यानंतर चाहते खूप खुश झालेले दिसून येत आहेत. तसेच पोस्टवर अनेक प्रतिक्रियादेखील दिल्या आहेत. एका नेटकऱ्याने लिहिले आहे की, “अखेर प्रदर्शनाची तारीख जाहीर केली. दुसऱ्या नेटकाऱ्याने लिहिले आहे की, “बिनोंद, बघतोयस ना? कशी तारीख सांगितली ते”. प्रदर्शनाची तारीख जाहीर झाल्यानंतर आता चाहते वेबसिरिजीची आतुरतेने वाट बघत आहेत.