Famous Actor Buys New Car Video : मराठी मनोरंजन विश्वात आपल्या मेहनतीच्या जोरावर स्वतःचं स्थान निर्माण करणाऱ्या कलाकारांच्या यशकथा नेहमीच प्रेरणादायी ठरतात. अशीच एक आनंदाची बातमी सध्या समोर आली आहे. निशांत पवार या लोकप्रिय अभिनेत्याने नुकतीच स्वतःच्या कमाईतून त्याची पहिली कार खरेदी केली आहे. ‘इंद्रायणी’ या मालिकेत ‘अधोक्षज’ ही भूमिका साकारून प्रेक्षकांच्या मनात घर करणारा निशांत पवार हा केवळ अभिनयापुरताच मर्यादित नाही, तर सोशल मीडियावरही तो मोठ्या प्रमाणात सक्रिय असतो. तो सतत आपल्या चाहत्यांसोबत वैयक्तिक आणि व्यावसायिक आयुष्यातील खास क्षण शेअर करत असतो.
अशातच निशांतने त्याच्या आयुष्यातील एक महत्त्वाचा टप्पा चाहत्यांबरोबर शेअर केला आहे. त्याने नुकतीच Tata Nexon ही कार खरेदी केली असून, या नव्या गाडीबरोबरचे फोटो आणि व्हिडीओ त्याने इन्स्टाग्रामवर पोस्ट केले आहेत. “स्वप्न ते वास्तव… माझी पहिली कार” अशा शब्दांत त्याने या क्षणाचं वर्णन केलं आहे. शेअर केलेल्या व्हिडीओमध्ये निशांत आपल्या कुटुंबासोबत कार घ्यायला गेल्याचं दिसतं. विशेष म्हणजे, त्याच्या आईने पारंपरिक पद्धतीने गाडीची पूजा केल्याचाही सुंदर क्षण यात पाहायला मिळतो. या प्रसंगी निशांतने आपल्या भावना व्यक्त करत सांगितलं की, “पप्पा नेहमी म्हणायचे, स्वतः कमव आणि स्वतः घे. आज स्वामींच्या आशीर्वादाने आणि आई-वडिलांच्या पाठिंब्यामुळे हे स्वप्न पूर्ण झालं.”
आणखी वाचा – १० वर्षांनंतर मालिकेत कमबॅक केलं, मराठमोळ्या अभिनेत्रीची मालिका तीन महिन्यातच बंद?
निशांतच्या या यशावर त्याच्या चाहत्यांनी आणि मनोरंजन क्षेत्रातील सहकलाकारांनी भरभरून प्रेम व्यक्त केलं आहे. सोशल मीडियावर “अभिनंदन!”, “तुझा अभिमान वाटतो”, “अशीच प्रगती करत राहा” अशा अनेक शुभेच्छांचा वर्षाव होत आहे. स्वतःच्या कष्टाने मिळवलेला हा आनंद निशांतसाठीच नाही, तर त्याच्या चाहत्यांसाठीही अभिमानाचा क्षण ठरला आहे.
आणखी वाचा – डोक्यावर ओढणी, भांडी घासली आणि…; सुवर्ण मंदिरातील प्रियांका चोप्राच्या ‘त्या’ कृतीवर नेटकरी भडकले, म्हणाले…
