बॉलिवूडची एव्हरग्रीन अभिनेत्री रेखा यांचं नाव घेतलं की, डोळ्यांसमोर उभ राहतं ते त्यांचा अभिनय व त्यांचं सौंदर्य. विविध भूमिका साकारत त्यांनी प्रेक्षकांच्या मनात आपला वेगळा ठसा उमटवला. त्यांनी आजवरच्या आपल्या अभिनयाने, अदाकारीने व सौंदर्याने रसिकांना घायाल केलं आहे. एव्हरग्रीन अभिनेत्री रेखा यांचं सौंदर्य त्यांच्या वयासह वाढतच असल्याचं भासतं. आज त्यांनी जे प्रसिद्धीचे शिखर गाठले आहेत तिथपर्यंत पोहोचण्यासाठी त्यांनी बरीच मेहनत घेतली आहे.(Rekha playfully slaps a fan)
रेखा यांचे लाखो चाहते आहेत. त्यांची एक झलक पाहण्यासाठी चाहते आजही उत्सुक असतात. त्या ज्या ठिकाणी जाताता त्याठिकाणी त्यांचे चाहते त्यांच्याबरोबर एका फोटो काढण्यासाठी नेहमी गर्दी करतात. त्यांच्यासह फोटो काढणं हे बऱ्याच जणांचं स्वप्न असतं. रेखा मुंबईत एका कार्यक्रमाला गेल्या होत्या. तेव्हा अशाच एका चाहत्याने त्यांच्याबरोबर फोटो काढण्यासाठी आग्रह केला. त्यावेळीचा एक व्हिडीओ सोशल मीडियावर बराच व्हायरल होत आहे.
रेखा नेहमीच कोणत्या ना कोणत्या इव्हेंटमध्ये हजेरी लावत असतात. त्यावेळी पापाराझी त्यांचे फोटो व व्हिडीओ काढण्यासाठी सतत गर्दी करतात. याठिकाणी बरीच चाहतेही त्यांची वाट बघतात. नुकत्याच रेखा एका कार्यक्रमाला मुंबईत उपस्थित होत्या. तिथे पापाराझींनी त्यांचे फोटो काढण्यासाठी गर्दी केली. यावेळी एका चाहत्याला रेखा यांच्यासह फोटो काढण्याचा मोह आवरला नाही. त्याने रेखा यांच्याबरोबर फोटो काढण्याचा आग्रह केला. त्यानंतर रेखा यांनी गमतीने चाहत्याच्या गालावर प्रेमाने चापट मारलं. हा व्हिडीओ पापाराझींच्या कॅमेरात कैद झाला आहे. हा व्हिडीओ सोशल मीडियावर बराच व्हायरल होत आहे.
नेटकऱ्यांनीही या व्हिडीओवर कमेंट करत व्हिडिओवर प्रेमाचा वर्षाव केला. एका नेटकऱ्याने ‘तुमची त्वचा किती चमकते’, असं म्हणत रेखा यांच्या तारुण्याचं कौतुक केलं आहे.बुधवारी रात्री मुंबईत ग्लोबल स्पा अवॉर्डसचे आयोजन करण्यात आलं होतं. या सोहळ्यात रेखा, जरीन खान, वाणी कपूर, मानुषी छिल्लर व रणदीप हुड्डा यांच्यासह अनेक कलाकारांनी हजेरी लावली. गोल्डन रंगाच्या ड्रेसमध्ये त्यांनी सगळ्यांचे लक्ष वेधून घेतले होते. या ड्रेसमध्ये त्या खूप सुंदर दिसत होत्या.
