dnyanada ramtirthkar Wedding : ‘स्टार प्रवाह’ वाहिनीवरील ‘लग्नानंतर होईलच प्रेम’ या मालिकेतील लोकप्रिय अभिनेत्री ज्ञानदा रामथीर्तकर ही नेहमीच चर्चेत असते. अभिनयासोबतच ती तिच्या खाजगी आयुष्याबाबत सोशल मीडियावर सातत्याने अपडेट्स शेअर करत असल्यामुळे प्रेक्षकांमध्ये ती विशेष लोकप्रिय आहे. यामुळेच चाहत्यांकडून तिला नेहमीच भरभरून प्रेम मिळत असल्याचं पाहायला मिळतं. दरम्यान, ज्ञानदा एका खास कारणामुळे पुन्हा एकदा चर्चेत आली आहे. यावेळी तिने तिच्या चाहत्यांना एक सुखद धक्का दिला आहे. ज्ञानदा लवकरच लग्नबंधनात अडकणार असल्याची आनंदाची बातमी तिने तिच्या सोशल मीडिया अकाउंटवर शेअर केली आहे.
आणखी वाचा – ६ फेब्रुवारीला उडणार ‘लग्नाचा शॉट’, नव्या मराठमोळ्या चित्रपटाची चर्चा, उत्सुकता वाढली
अभिनेत्रीने नुकतेच तिच्या मेहंदी सोहळ्याचे काही खास व्हिडीओ सोशल मीडियावर पोस्ट केले आहेत. तिने व्हिडीओ शेअर करत कॅप्शनमध्ये लिहिलं कि “Hands full of mehendi & heart full of him” असं लिहित आपल्या आयुष्यातील नव्या पर्वाची गोड झलक चाहत्यांसोबत शेअर केली आहे. यानंतर आणखी एक पोस्ट शेअर करत “ठरलं, कळवतो लवकरच” असं लिहीत तिने एक व्हिडीओ पोस्ट केला आहे. त्यामुळे सध्या ज्ञानदाच्या घरी लग्नाची जोरदार लगबग सुरू असल्याचं स्पष्ट होत आहे. याशिवाय, पुढे आणखी एक व्हिडीओ शेअर करत ज्ञानदाने लवकरच साखरपुडा होणार असल्याची गोड बातमीही चाहत्यांना दिली आहे.
मात्र, ज्ञानदाचा होणारा नवरा नेमका कोण आहे, याबाबत तिने अद्याप कोणतीही माहिती उघड केलेली नसल्यामुळे प्रेक्षकांमध्ये उत्सुकता अधिक वाढली आहे. याशिवाय अभिनेत्री आता लग्नबंधनात नेमकं कधी अडकणार? यावर ही प्रेक्षकांची उत्सुकता दिसून आली आहे.
