Bigg Boss Marathi 6 : ‘बिग बॉस मराठी’ मध्ये राखीच्या एन्ट्रीने एक वेगळाच ट्विस्ट आलेला पाहायला मिळत आहे. तर आज ‘बिग बॉसच्या घरात भाऊचा धक्का पार पडणार आहे. आज भाऊच्या धक्क्यावर रितेश देशमुख अनेक सदस्यांची कानउघडणी करताना पाहायला मिळणार आहे. पण आजच्या राड्यामध्ये राखी सावंत पेटलेली दिसून आली आहे. राखी कालच्या भागात अतिशय भावुक दिसून आली होती. बिग बॉसने काल एका टास्कचे आयोजन केले केले होते ज्यात आपल्या जवळच्या व्यक्तींना तुम्हाला काही सांगायचे असेल तर सांगू शकता. या टास्कमध्ये राखीने तिच्या आईच्या आठवणीत तिला तिच्या मनातल्या भावना सांगितल्या. सगळयांना खिळखिळून हसवणारी राखी त्यादिवशी स्वतःही फार रडली आणि सगळ्यांना रडवून गेली पण आजच्या या प्रोमोमध्ये राखी पेटून उठलेली.
‘बिग बॉस’ने शेअर केलेल्या या प्रोमोमध्ये रितेश राखीला विचारतो की “तुम्ही या सगळ्यांमध्ये खूप अनुभवी आहात मग आम्हाला सांगा की तुम्ही काय खेळलात?” तेव्हा रुचिता राखीला म्हणाली की “ती फक्त काही ही मुद्दे तयार करत होती.” तेव्हा राखी रुचिताला प्रत्युत्तर देते की “मी काही तरी केलं तुम्ही तर लव्हलपाटा करत होते.” याच क्षणी रितेश मंच सोडताना दिसून आला पण नंतर रुचिता येऊन राखीशी भांडायला लागली की “ए हिरोईन लव्हलपाटा काय? तुला काय करायचंय?” तेव्हा राखी म्हणते, “मला जे करायचंय ते मी करणार.” तेव्हा रुचिता राखीला प्रत्युत्तर देते की “लिमिटमध्ये रहा. पर्सनल जाऊ नकोस.” (Bigg Boss Marathi 6)
दरम्यान हा प्रोमो सध्या फार चर्चेचा विषय ठरत आहे. यासोबतच आज भाऊच्या धक्क्यावर रितेशने सचिन कुमावतची देखील कानउघडणी केल्याचं पाहायला मिळणार आहे. तसेच या आठवड्यात कोण घरभर जाणार? याबद्दल देखी प्रेक्षकांमध्ये उत्सुकता आहे. (Bigg Boss Marathi 6)
