‘द कश्मीर फाइल्स’ चित्रपटानंतर ‘द व्हॅक्सिन वॉर’ चित्रपटामुळे चर्चेत असलेला निर्माता म्हणजे विवेक अग्निहोत्री. ते कधी चित्रपटांबद्दल तर कधी इंडस्ट्रीतील लोकांबाबत वादग्रस्त विधानं करताना दिसतात. त्यामुळे त्यांच्यावर सतत टीका होत असतात. सध्या त्यांचं जुने ट्विट विशेष चर्चेचा विषय ठरत आहे. त्यावर ते बऱ्याचदा उत्तर देताना दिसतो. नुकत्याच दिलेल्या एका मुलाखतीत त्यांनी बॉलिवूडबाबत वक्तव्य केलं आहे. लोक काय म्हणतात याची त्याला काहीही पर्वा नसल्याच त्यांनी यावेळी सांगितलं. या मुलाखतीत त्यांनी आणखी एक वक्तव्य केलं आहे. त्यात त्यांनी बॉलिवूडचा दिग्दर्शक करण जोहर व शाहरुख खान यांच्या चित्रपटांवर निशाणा साधला.(Vivek Has Accused Karan And Shahrukh)
‘द व्हॅक्सिन वॉर’ चित्रपटाच्या प्रमोशन दरम्यान दिलेल्या मुलाखतीत विवेक अग्नीहोत्री यांनी शाहरुख व करण यांच्यावर निशाणा साधला. भारतीय चित्रपटांबाबत बोलताना यांनी भारतात तयार होणाऱ्या चित्रपटांवर टीका केली आहे. यांनी यावेळी शाहरुखबाबतही वक्तव्य केलं. “मी शाहरुख खानचा खूप मोठा चाहता आहे. पण बॉलिवूडला उद्धवस्त करण्यामागे मी सर्वस्वी त्यालाच जबाबदार मानतो. कारण तो करत असलेलं राजकारण मला आवडत नाही” असं वक्तव्य करत यांनी शाहरुखवर टीका केली.
वाचा – विवेक अग्नीहोत्री यांनी नेमकं काय केलं वक्तव्य?(Vivek Has Accused Karan And Shahrukh)
यावेळी यांनी निर्माता करण जोहरवरही टीका केली. “सध्या चित्रपटासृष्टीत करण जोहर हा सर्वात यशस्वी चित्रपट निर्मात्यांपैकी एक आहे. माझ्या आवडत्या चित्रपटांपैकी एक ‘कुछ कुछ होता है’ हा चित्रपट आहे. पण बॉलिवूडमधील राजकारण माझ्या समजण्यापलीकडेचं आहे”.
बॉलिवूडमधील स्टारडमबाबत वक्तव्य करताना त्यांनी,”बॉलिवूडमध्ये ज्याप्रकारची मुल्ये आणि राजकारण त्याने निर्माण केलं त्यामागचा उद्देश खूप चुकीचा आहे. स्टारडम किंवा स्टार सिस्टीमची परंपरा बॉलिवूडमध्ये केवळ करणमुळेच आली आहे. ज्याचा मी वैयक्तिकरित्या निषेध करतो.” अस म्हणत यांनी करणवर टीका केली.