आपल्या बेधडक विधानांमुळे दिग्दर्शक अनुराग कश्यप अनेकदा चर्चेत असतो. त्याने अनेकदा त्याने राजकारणी, मनोरंजन क्षेत्रातील अनेक कलाकारांवर त्याने अनेकदा टिका केली आहे. पण आता त्याने नवोदित कलाकारांवर निशाणा साधला आहे. नवोदित कलाकरांसाठी त्याने सोशल मीडियावर एक पोस्ट शेअर केली आहे. त्याच्या या पोस्टवर त्याची मुलगी आलिया कश्यपनेही मजेशीर प्रतिक्रिया देत सर्वांचे लक्ष वेधले आहे. (Director Anurag Kashyap instagram post)
अनुराग हा नेहमीच वास्तववादी चित्रपट करण्यावर भर देत असतो. त्याचे चित्रपट हे नेहमी वेगळ्या धाटणीचे असलेले पहायला मिळतात. अशातच त्याने नवोदित कलाकारांसाठी केलेली पोस्ट आता चर्चेत आली आहे. त्याने पोस्टमध्ये लिहिले आहे की, “नवोदित कलाकारांना मदत करण्याच्या प्रयत्नामध्ये मी नेहमी माझा वेळ वाया घालवलेला आहे. त्यातील अनेक कलाकार चांगले निघाले नाहीत. त्यामुळे आता यापुढे अशा लोकांना भेटण्यासाठी मी माझा वेळ वाया घालवणार नाही जे स्वतःला अतिशहाणे समजतात. त्यामुळे मी आता त्यांच्यासाठी शुल्क आकरण्याचा विचार करणार आहे. जर कोणाला मला १० ते १५ मिनिटांसाठी भेटायचं असेल तर मी त्यासाठी एक लाख रुपये शुल्क घेणार आहे”.
पुढे त्याने लिहिले आहे की, “अर्ध्या तासासाठी मी दोन लाख रुपये घेणार आहे आणि ज्यांना मला एक तासासाठी भेटायचे असेल तर त्यांना मला पाच लाख रुपये द्यावे. हे सर्व शुल्क आता आकरले जातील. मी आता मीटिंग करुन थकलोय. जर तुम्हाला हे परवडणार असेल तरच मला कॉल करा अन्यथा येऊ नका. तसेच सर्व पैसे आगाऊ स्वरूपात द्यावेत”.
ही पोस्ट शेअर करत त्याने कॅप्शनमध्ये लिहिले आहे की, “तसेच मला मेसेज किंवा टेक्स्ट करु नका. आधी पैसे भरा मगच तुम्हाला मी वेळ देईन. मी समाजसेवा करणार नाही. जे शॉर्टकट शोधतात त्यांना मी कंटाळलो आहे”.
अनुरागच्या या पोस्टवर त्याच्या मुलीने प्रतिक्रिया देत म्हंटले आहे की, “मी माझ्या मेसेजमध्ये आणि मेलमध्ये तुमची ही पोस्ट शेअर करते जे मला नेहमी स्क्रिप्ट पाठवतात”.
त्याच्या या पोस्टवर इतर नेटकरी प्रतिक्रिया देत म्हणाले आहेत की, “मी आता तुमच्या दाराची बेल वाजवणारच होतो”, “होळीच्या आधी भांग पिऊ नये”, अशा अनेक मजेशीर प्रतिक्रिया आल्या आहेत.
