ankita walawalkar dhananjay powar : ‘बिग बॉस मराठी’ मुळे चर्चेत आलेली भाऊ-बहिणीची जोडी म्हणजे अंकिता वालावलकर आणि धनंजय पवार. अंकिता आणि डीपी दादाच्या जोडीने ‘बिग बॉस’च्या घरात अक्षरशः धुमाकूळ घातला. ‘बिग बॉस मराठी’मध्ये यंदा सोशल मीडिया इन्फ्लुएन्सरला मोठी संधी मिळाली. यावेळी अंकिता आणि धनंजय पोवार हे दोन सोशल मीडिया इन्फ्लुएन्सर ‘बिग बॉस’च्या घरात धुमाकूळ घालताना दिसले. दोघांचाही खूप मोठा चाहतावर्ग आहे. अंकिता व डीपीने ‘बिग बॉस’च्या घरात असताना रक्षाबंधन साजरं केलं. अंकिताने डीपीला राखी बांधली. आणि ‘बिग बॉस’च्या घरात डीपी अंकिताच्या पाठीशी भाऊ म्हणून खंबीरपणे उभा राहिला.
‘बिग बॉस’ नंतरही घराबाहेरही ही बहीण-भावाची जोडी कायम चर्चेत आहे. दरवर्षी ते रक्षाबंधन, भाऊबीजनिमित्त एकत्र भेटतात आणि हे सण साजरे करतात. मात्र यावेळी भाऊबीजनिमित्त अंकिताने शेअर केलेल्या एका स्टोरीने साऱ्यांचं लक्ष वेधलं आहे. आणि अंकिताच्या या स्टोरीने साऱ्यांचं लक्ष वेधलं आहे. अंकिताने “यंदा डीपी दादांनी भाऊबीजेला फोन केला नाही”, असं तिने या स्टोरीमध्ये म्हटलं.
आणखी वाचा – सुप्रसिद्ध हॉलिवूड अभिनेत्रीचे वयाच्या २३व्या वर्षी निधन, ‘या’ गंभीर आजाराने गमावला जीव
या स्टोरीमध्ये अंकिता म्हणते, “धनंजय पोवार या माझ्या भावाने मला भाऊबीजेच्या शुभेच्छा देखील दिल्या नाहीत. भाऊबीजेला भावाने बहिणीकडे यायचं असतं पण, यायला नाही जमलं तर एक कॉल तरी?”. अंकिताची ही स्टोरी रिशेअर करत धनंजय म्हणतो, “भाऊ दिवाळीच्या व्यापारात व्यग्र होता वाटलं होतं बहिणीने समजून घेतले असेल पण, आता हीच माझी एक चूक समजून तुला लवकरच गिफ्ट देईन ते तुला नक्कीच आवडेल”.
आणखी वाचा – ‘तारक मेहता…’ फेम अभिनेत्याला मातृशोक, आईबरोबरच्या फोटोंचा व्हिडीओ शेअर करत भावुक, म्हणाला, “आठवण…”
पुढे त्याने अंकिताची समजूत काढत म्हटलं, “विसरलो नक्कीच नाही… तरी चुकलो असेन तर माफ कर…”. डीपी दादांनी लाडक्या बहिणीची माफी मागून लवकरच गिफ्ट देईन असं प्रॉमिस अंकिताला केलं आहे.
