2020-21 मध्ये करोना व्हायरसमुळे संपूर्ण जगच ठप्प झालं होतं. परिणामी देशभरातही करोनाचे अनेक रुग्ण समोर आले. दरम्यान महाराष्ट्रातही करोनाचे रुग्ण झपाट्याने वाढत होते. अनेकांनी आपल्या जवळच्या माणसांना या आजारात गमावलं. नंतर झपाट्याने औषधोपचार आले, लस आली त्यानंतर करोनाचा प्रभाव कमी झाला. आता पुन्हा हा आजार वर डोकं काढू पाहत आहे. महाराष्ट्राबरोबरच देशातही करोना रुग्णांची संख्या आता मोठ्या प्रमाणात वाढत आहे. पुन्हा राज्याच्याही विविध भागांमध्ये करोनाचे रुग्ण समोर येत आहेत. सुरुवातीच्या दिवसांमध्ये ही संख्या कमी होती. मात्र आता यामध्ये वेगाने वाढ होत असल्यामुळे चिंतेचं वातावरण निर्माण झालं आहे. (covid cases in india)
कुठे किती रुग्ण?
करोनाचा सध्याचा वाढता प्रभाव पाहता प्रशासनाने नियमांचं पालन करण्याचा सल्ला दिला आहे. घाबरुन न जाता स्वतःची योग्य त्या पद्धतीने काळजी घेण्याचं सांगण्यात येत आहे. एबीपी माझाच्या वृत्तानुसार, सध्या महाराष्ट्रात ४२५ करोना बाधित रुग्ण आहेत. मुंबईत ही संख्या २७ तसेच पुण्यामध्ये २१ आहे. ठाण्यातही तब्बल करोनाचे १२ रुग्ण आहे. देशभरात तर करोना आणखीनच झपाट्याने वाढत आहे. आतापर्यंत देशभरातील करोना रुग्णांची संख्या १२०० पर्यंत पोहोचली आहे. या सगळ्यामध्ये १२ रुग्णांना करोनामुळे आपला जीव गमवावा लागला.
आणखी वाचा – अपघातानंतर जवळपास एक महिन्याने घरी परतला पवनदीप राजन, आता परिस्थिती नेमकी कशी?, फोटो समोर
करोनाचा पुन्हा शिरकाव का?
नव्या ७६ करोना रुग्ण महाराष्ट्रात समोर आले. त्यामुळे सध्या चिंताग्रस्त वातावरण आहे. आरोग्य यंत्रणेच्या आदेशानुसार काही रुग्णालयांमध्ये करोनासाठी पुन्हा विशेष सेवा व व्यवस्था तयारही ठेवण्यात आली आहे. करोना संदर्भातील लस घेतल्यानंतरही पुन्हा हा आजार होण्याची भीती निर्माण झाली आहे. लस घेतल्यानंतर अजूनही करोना आजाराशी प्रतिकार करु शकतो. मात्र आता या आजाराच्या तीव्रतेमध्ये काही बदल झाले आहेत. लस घेतल्यामुळे आताच्या करोनाचा प्रभाव रुग्णांवर थोड्याफार प्रमाणातच होण्याची शक्यता आहे.
कोविड-१९ चे नवीन प्रकार
केरळ व महाराष्ट्रात करोना रुग्णांची संख्या झपाट्याने वाढत असल्याचं काही रिपोर्ट्सनुसार निदर्शनास आलं. एनबी.१.८.१. आणि एलएफ.७ करोनाचे काही नवे प्रकार समोर आले आहेत. मात्र या वर्षामध्ये वर डोकं काढू पाहणारा करोना बदलला आहे. सर्दी, खोकला, ताप, अशी काही लक्षणं आताच्या करोना रुग्णांमध्ये आहेत. मात्र या नव्या कोविड-१९ आजाराच्या प्रकाराला लस घेतल्यामुळे रुग्ण मात करु शकतात.
