काही दिसवानपूर्वी बॉलीवूड अभिनेता सलमान खानच्या घरावर काही आज्ञातांनी गोळीबार केला होता. त्यानंतर मुंबई पोलिस यंत्रणेने तपास सुरु करून दोन दिवसांतच गोळीबार करणाऱ्यांचा शोध घेतला. विकी गुप्ता व सागर पाल अशी अटक करण्यात आलेल्या गुन्हेगारांची नाव होती. या हल्ल्याची संपूर्ण जबाबदारी बिश्नोई गँगने घेतली होती. त्यानंतर अजून तपास करण्यात आल्यानंतर दोन जणांना अटक करण्यात आली होती. एकूण चार जणांना पोलिसांनी ताब्यात घेतले होते. दोन्ही आरोपींना पिस्तूल पुरवल्याप्रकरणी पंजाब येथून सोनू चंदर व अनुज थापन अशा दोघांना बेड्या ठोकण्यात आल्या. आता त्या आरोपीबद्दलची एक महत्त्वाची अपडेट समोर येत आहे. (salman khan firing case accused suicide )
वांद्रे येथील सलमानच्या घरावर अज्ञातांनी गोळीबार केला होता. याप्रकरणी एकूण चार आरोपीना पकडण्यात आले होते. मात्र या चार आरोपीपैकी एका आरोपीने म्हणजे अनुज थापन याने पोलिस कोठडीमध्येच आत्महत्या केल्याचे वृत्त समोर आले आहे. त्याच्याजवळ असलेल्या चादरीने गळफास लाऊन घेऊन आत्महत्या करण्याचा प्रयत्न केला आणि त्यामध्येच त्याचा मृत्यू झाल्याचे समोर आहे आहे.
अनुज हा लॉरेन्स बिश्नोई टोळीच्या संपर्कात होता. त्याच्यावर आतापर्यंत अनेक खंडणी व शस्त्रास्त्र कायद्याचे गुन्हे दाखल करण्यात आलेले आहेत. अनुजचे ३२ वर्ष होते. त्याने सलमान खान गोळीबार प्रकरणात गोळीबार करणाऱ्यांना हत्यारे पुरवली होती. मिळालेल्या माहितीनुसार पोलिस कोठडीमध्ये त्याने आत्महत्या करण्याचा प्रयत्न केला. मुंबई पोलिस हेडक्वार्टर क्राइम ब्रांचमध्ये पोलिस कोठडीत त्याने टॉयलेटमध्ये चादर घेऊन गेला आणि त्याने गळफास लाऊन घेतला. त्यानंतर लगेचच सेंट जॉर्ज रुग्णालयात दाखल करण्यात आले आणि तेथेत्याला डॉक्टरांनी मृत घोषित केले.
दरम्यान वांद्रे येथे पकडण्यात आलेल्या आरोपींकडून माहिती काढत तपास पंजाबपर्यंत पोहोचला होता. तेथे थापन व चंदरला अटक करण्यात आले. तसेच या प्रकरणात अटक केलेल्या आरोपींवर मोक्का लावण्यात आला आहे.
