Rohit Shetty Firing Case Update : रविवारी, १ फेब्रुवारी रोजी दिग्दर्शक रोहित शेट्टीच्या मुंबईतील निवासस्थानावर झालेल्या गोळीबारप्रकरणाने सर्वत्र खळबळ उडाली. या प्रकरणात आता चार जणांना अटक करण्यात आली आहे. लॉरेन्स बिश्नोई टोळीचा सदस्य आणि राष्ट्रवादीचा नेता बाबा सिद्दीकी खून प्रकरणातील आरोपी शुभम लोणकर याच्याशी हे लोक संबंधित असल्याचे प्राथमिक तपासात निष्पन्न झाले आहे. एका पोलीस अधिकाऱ्याने सांगितले की, चौघांना अटक करण्यात आली आहे. पुण्यातील या प्रकरणी अटक करण्यात आलेल्या पाच संशयितांमध्ये त्याचा समावेश आहे. या सर्व आरोपींना पोलीस कोठडी सुनावण्यात आली आहे. त्याच वेळी, सीसीटीव्ही फुटेज देखील समोर आले आहे, ज्यामध्ये हल्लेखोर गोळीबार करताना आणि दुचाकीवरुन जाताना दिसत आहे. याशिवाय रोहित शेट्टीनेही आपले म्हणणे नोंदवले आहे.
बॉलिवूड दिग्दर्शक रोहित शेट्टीच्या घरावर झालेल्या गोळीबारप्रकरणी मुंबई गुन्हे शाखेने मोठा खुलासा केला आहे. याप्रकरणी चार तरुणांना अटक करण्यात आली आहे, तर अन्य एकाची चौकशी सुरु आहे. अटक करण्यात आलेल्या आरोपींना रविवारी मुंबईच्या एस्प्लेनेड न्यायालयात हजर करण्यात आले. अटक करण्यात आलेल्या चार आरोपींमध्ये आदित्य ज्ञानेश्वर गायकी (वय १९ वर्षे), सिद्धार्थ दीपक येनपुरे (वय २० वर्षे), समर्थ शिवशरण पोमाजी (वय १८ वर्षे), स्वप्नील बंडू सकट (वय २३ वर्षे) यांचा समावेश आहे. या प्रकरणाचा तपास गुन्हे शाखा करत आहे. तपासाचा भाग म्हणून रोहित शेट्टीचा जबाब नोंदवण्यात आला आहे, जेणेकरुन घटनेच्या तळापर्यंत पोहोचता येईल.
आणखी वाचा – “आमचं रिलेशनशिपच टॉक्सिक झालं”, प्रियदर्शिनी इंदलकर रिलेशनबाबत स्पष्टच बोलली, म्हणाली, “लवकर लग्न…”
firing CCtv footage at Rohit Shetty’s House. See on the left hand side of d video #rohitshetty pic.twitter.com/9P4GZNcB4K— Preeti Sompura (@sompura_preeti) February 1, 2026
या प्रकरणाच्या तपासासाठी १२ हून अधिक पथके तैनात करण्यात आली असून, ते वेगवेगळ्या कोनातून घटनेचा तपास करत आहेत. पोलिसांनी परिसरात लावलेल्या सर्व सीसीटीव्ही कॅमेऱ्यांचे फुटेज तपासले. ज्यामध्ये एक मोटर बाईक दिसलीआहे. आणि दुसऱ्या भागात एक हल्लेखोर पाच राऊंड गोळीबार करताना दिसतो. या प्रकरणाचा तपास गुन्हे शाखा करत आहे. तपासाचा भाग म्हणून रोहित शेट्टीचा जबाब नोंदवण्यात आला आहे, एक मोटर बाईक दिसला आहे. आणि दुसऱ्या भागात एक हल्लेखोर पाच राऊंड गोळीबार करताना दिसतो.
आणखी वाचा – “मी सदस्यांशी जुळवून…”, सोनाली राऊतची घरातून एक्झिट, बाहेर पडताच म्हणाली, “माझ्याकडून खूप अपेक्षा…”
वरळीतील रोहित शेट्टीच्या घराबाहेर अज्ञात हल्लेखोरांनी गोळीबार केला होता. या घटनेत कोणतीही जीवितहानी झाली नसली तरी परिसरात भीतीचे वातावरण निर्माण झाले आहे. गुन्हे शाखेने तत्काळ तपास सुरु केला आणि सीसीटीव्ही फुटेज, तांत्रिक गुप्तचर आणि स्थानिक सूत्रांच्या मदतीने पुणे कनेक्शन मिळवले. तपासादरम्यान पुण्यातून पाच संशयितांना ताब्यात घेण्यात आले, त्यापैकी चार जणांना रीतसर अटक करण्यात आली. पाचव्या व्यक्तीची अद्याप सखोल चौकशी सुरु असून, तो या घटनेतील मुख्य सूत्रधार असण्याची शक्यता पोलिसांना आहे. सध्या या आरोपींना मुंबईत आणण्यात आले असून, न्यायालयाने त्यांना ५ फेब्रुवारीपर्यंत पोलीस कोठडी सुनावली आहे.
