Bigg Boss Marathi 6 : ‘बिग बॉस मराठी’च्या घरात यंदाच्या थीमनुसार दर आठवड्यात घरातील स्पर्धकांना एक विशेष रेशन कार्ड लागू केले जाते. कॅप्टनसह टास्कमध्ये बाजी मारणाऱ्या सदस्यांना गोल्डन रेशनकार्ड मिळतं. तर, इतर सदस्यांना नियमांनुसार सिल्व्हर किंवा ब्राँझ रेशन कार्ड दिलं जातं. ब्राँझ रेशन कार्डधारकांना घरातील कोणत्याच सुविधा मिळत नाहीत. त्यांच्यावर लक्झरी प्रोडक्ट्स वापरण्याचीही बंदी असते. यामुळे ज्यांच्याकडे ब्राँझ रेशनकार्ड आहे असे सदस्य घरातील अन्य लोकांचं समान चोरी करत असल्याचं पाहायला मिळालं आहे.
आणखी वाचा : रोहित शेट्टी गोळीबार प्रकरणात चार आरोपींना अटक, एक हल्लेखोर गोळीबार करताना दिसला; CCTV फुटेज समोर
‘बिग बॉसच्या घरात ‘बिग बॉसच्या घरात पुन्हा एकदा रेशनवरून भांडण झाल्याचं पाहायला मिळालं. नुकत्याच समोर आलेल्या प्रोमोमध्ये ‘बिग बॉसच्या घरात रेशनची चोरी झाल्याचं दिसतं. आणि याचा आरोप घरातील इतर सदस्यांनी तन्वीवर केला आहे. तर प्रोमोमध्ये विशाल आणि रोशनला चोरी झालेलं सगळं सामान सापडतं. आणि यावरून रुचिता खूपच संतापलेली दिसते. याचबरोबर घरातील इतर सदस्य हा चोरीचा आरोप तन्वीवर लावतात.पण तन्वी ओरडून ओरडून सांगते की, तिने चोरी केलेली नाही. मात्र तरीही तिच्यावर कोणीही विश्वास ठेवत नाही.पुढे प्रोमोमध्ये तन्वी वैतागलेल्या अवस्थेत “मला शो सोडायचा आहे” असं म्हणते. यादरम्यान तन्वीला अश्रू अनावर झालेले देखील पाहायला मिळतं. तर आता तन्वी खरंच शो सोडणार? याचबरोबर नेमका हा चोर कोण असेल? हे पाहणं रंजक ठरणार आहे. (Bigg Boss Marathi 6)
