Govinda Affair : बॉलिवूडचा अभिनेता गोविंदाने एक काळ बराच गाजवला. मात्र सध्या तो बर्‍याच वर्षांपासून मोठ्या पडद्यावरुन गायब झाला असल्याचं पाहायला मिळत आहे. परंतु अभिनेता त्याच्या वैयक्तिक आयुष्यामुळे अनेकदा चर्चेत राहिलेला पाहायला मिळाला आहे. यानंतर आता अभिनेत्याबद्दल एक धक्कादायक बातमी समोर आली आहे. समोर आलेल्या वृत्तानुसार, गोविंदा एका मराठमोळ्या अभिनेत्रीच्या प्रेमात पडला असल्याचं समोर आलं आहे. त्यामुळे गोविंदाच्या वैयक्तिक आयुष्याबाबतच्या चर्चांना उधाण आलं आहे. अभिनेता एका मराठी अभिनेत्रीच्या प्रेमात असून त्याचा विवाहबाह्य संबंध सुरु असून लवकरच तो पत्नी सुनीता अहुजासह घटस्फोट घेणार असल्याचं बोललं जात आहे.
बॉलिवूडच्या शीर्ष कलाकारांच्या यादीमध्ये गोविंदाचे नाव नेहमीच समाविष्ट केले गेले आहे. ८०-९० च्या दशकात त्याने चित्रपटसृष्टीवर राज्य केले. त्याच्या अभिनयाचे आणि नृत्याचे चाहते वेडे होते. आजही त्याचे आकर्षण अबाधित आहे. परंतु आता अभिनेत्याच्या वैयक्तिक आयुष्याशी संबंधित एक धक्कादायक बातमी समोर आली आहे. रेडिटच्या एका वृत्तानुसार, गोविंदा ३७ वर्षांच्या लग्नानंतर त्याची पत्नी सुनीताला घटस्फोट देणार आहे.
आणखी वाचा – “माझ्यावर दबाव होता आणि…”, ‘स्वराज्यरक्षक संभाजी’ मालिकेच्या शेवटाबाबत डॉ. अमोल कोल्हेंचा धक्कादायक खुलासा
याआधी, अभिनेत्याची पत्नी सुनीतानेही त्याच्या प्रेमसंबंधाचा इशारा दिला होता. तिने असेही म्हटले होते की वेळापत्रक नसल्यामुळे तो बर्‍याच काळापासून स्वतंत्रपणे जगत आहे. दरम्यान, गोविंदाचे मराठी अभिनेत्रीशी प्रेमसंबंध असल्याची बातमी आहे. आश्चर्याची गोष्ट म्हणजे ती अभिनेत्री ३० वर्षांची आहे. दोघांच्या वयात सुमारे ३१ वर्षांचे अंतर आहे. पण अभिनेत्रीचे नाव उघड झाले नाही.
गोविंदाने अद्याप या अहवालांवर कोणतीही प्रतिक्रिया दिली नाही. अशा परिस्थितीत, ते किती खरे आहे हे सांगणे थोडे कठीण आहे. ‘हिंदी रश’ला दिलेल्या मुलाखतीत गोविंदाची पत्नी सुनीता म्हणाली, “मी पूर्वी खूप सुरक्षित होते. पण मी आता सुरक्षित नाही आहे. कारण वयाच्या ६० व्या वर्षानंतर लोक बदलतात. मला माहित आहे तो काय करत आहे”. गोविंदाने १९८७ मध्ये सुनीता अहुजाशी लग्न केले. त्यांना एक मुलगा आणि एक मुलगी आहे.
