अली फजल व रिचा चढ्ढा यांनी अलीकडेच त्यांच्या घरी चिमुकल्या पाहुण्याचं आगमन होणार असल्याची घोषणा केली होती. प्रेग्नेंसीच्या घोषणेनंतर अली व रिचा अनेकदा सार्वजनिक ठिकाणी एकत्र स्पॉट होताना दिसले. क्रिटिक्स चॉईस अवॉर्ड्स २०२४च्या प्रसंगी, अली व रिचा यांनी हजेरी लावली होती. यावेळी अली रिचाची काळजी घेताना दिसला. रिचाला सांभाळताना तो दिसला, त्याच्या या कृतीने साऱ्यांची मन जिंकली आहेत. (Richa chadha baby bump)
अली फजल व रिचा चढ्ढा काल रात्री क्रिटिक्स चॉईस अवॉर्ड्स २०२४ मध्ये जबरदस्त लूकमध्ये दिसले. रिचा चढ्ढा हिने अवॉर्ड नाईटसाठी केलेला पारंपरिक लूक लक्षवेधी ठरला. अभिनेत्रीने निळ्या रंगाचा अनारकली ड्रेस परिधान केला होता ज्यावर पांढऱ्या रंगाची नक्षी केली होती. याबरोबर तिने मॅचिंग दुपट्टाही घेतला होता. या लूकमध्ये अभिनेत्री खूपच सुंदर दिसत होती. तिच्या चेहऱ्यावर प्रेग्नन्सी ग्लो आलेलाही दिसत होता. तर अली फजल काळ्या रंगाच्या कपड्यांमध्ये डॅशिंग दिसत होता. दोघांनीही एकत्र पोज दिली तर रेड कार्पेटवर फोटो क्लिक करताना रिचा चढ्ढा तिचा बेबी बंप फ्लॉन्ट करताना दिसली.
अली व रिचाचे फोटो सध्या सोशल मीडियावर व्हायरल झाले आहेत. चाहतेही दोघांवर शुभेच्छांचा वर्षाव करताना दिसत आहेत. रिचा व अलीने गेल्या महिन्यात आई-बाबा होणार असल्याची गुडन्यूज दिली. दोघांनी त्यांच्या इन्स्टाग्राम अकाऊंटद्वारे ही आनंदाची बातमी दिली. या पोस्टसह त्यांनी कॅप्शनमध्ये लिहिले होते की, “एक लहान हृदयाचा ठोका हा आपल्या जगातील सर्वात मोठा आवाज आहे”.
ऋचा व अली दोघेही २०२० मध्ये लग्न करणार होते पण करोना महामारीमुळे त्यांनी लग्नाची तारीख पुढे ढकलली. नंतर, या जोडप्याने २०२२ मध्ये त्यांचे मित्र व कुटुंबीयांच्या उपस्थितीत शाही विवाहसोहळा पार पाडला. या जोडप्याने दिल्लीत त्यांच्या प्री-वेडिंग फंक्शन्सचे आयोजन केले होते. त्यानंतर लखनऊमध्ये येथे त्यांचा विवाहसोहळा पार पडला. रिचा व अलीने मुंबईत रिसेप्शन पार्टीही आयोजित केली होती.