प्रीती झिंटा ही बॉलिवूडमधील लोकप्रिय अभिनेत्री आहे. १९९८ साली तिने ‘दिल से’ या चित्रपटातून अभिनय क्षेत्रामध्ये पाऊल ठेवले. चित्रपटांबरोबर ती वैयक्तिक आयुष्यातदेखील खूप चर्चेत राहिली आहे. तिच्या अफेअर्सच्या चर्चादेखील त्या काळी खूप रंगल्या होत्या. सध्या ती तिच्या एका रिलेशनशिपमुळे अधिक चर्चेत आली आहे. याबद्दल अभिनेत्री सूचित्रा पिल्लईने काही खुलसे केले आहेत. ज्यामुळे प्रीती व सूचित्रा पिल्लई यांच्यामधील अबोल्याचे कारण समोर आले आहे. (suchitra pillai on preity zinta)
प्रीती व सुचित्रा या दोघीही ‘दिल चाहता है’ या चित्रपटामध्ये एकत्र काम करताना दिसून आल्या होत्या. या चित्रपटामध्ये सुचित्रा सैफ अली खानच्या प्रेयसीची भूमिका केली होती. तसेच नंतर काही मालिका व चित्रपटांमध्येही दिसून आली होती. ती नुकतीच जयदीप अहलावत व सोनाली बेंद्रे यांच्याबरोबर ‘ब्रोकन न्यूज २’ मध्ये दिसून आली होती. नुकताच तिने एका मुलाखतीमध्ये आपल्या वैयक्तिक आयुष्याबद्दल खुलासे केले. तिच्यावर नेहमी प्रीतीचा बॉयफ्रेंड हिरावून घेण्याचा आरोप केला जात होता. त्याबद्दल आता तिने दिलखुलास गप्पा मारल्या आहेत.
सिद्धार्थ कन्ननला दिलेल्या मुलाखतीमध्ये ती म्हणाली की, “माझे पती लार्स केजेल्डसन आधी प्रीतीला डेट करत होते. पण त्यांच्या ब्रेकअपचे कारण मी नव्हते. तसेच मी व प्रीती कधीही एकमेकींच्या मैत्रिणी नव्हतो. पण लार्स आधी प्रीतीला डेट करत होते. त्यांचे नाते काही काळच टिकले. मी त्याला भेटायच्या आधीच त्यांचा ब्रेकअप झाला होता. त्यामुळे मी त्यांच्यामध्ये येण्याचा काहीही संबंध नाही. ते दोघेही त्यांच्या वैयक्तिक कारणांमुळे वेगळे झाले होते”.
सुचित्राने प्रीतीचा एक्स बॉयफ्रेंड लार्सबरोबर २००५ साली लग्न केले. त्यांना एक अन्निका नावाची मुलगीदेखील आहे. तसेच प्रीती २०१६ साली जीन गुडइनफबरोबर लग्न केले व २०२१ साली सरोगसीद्वारे तिने जुळ्या मुलांची आई झाली. मुलांचा चेहरा अद्याप प्रीतीने जगासमोर येऊ दिला नाही.