‘हिरामंडी’ या सीरिजमुळे व स्वत:च्या लग्नामुळे सध्या चर्चेत आलेली अभिनेत्री म्हणजे सोनाक्षी सिन्हा. येत्या २३ जून रोजी सोनाक्षी तिच्या कथित बॉयफ्रेंड झहीर इक्बालबरोबर लग्न करणार असल्याच्या अनेक चर्चा सोशल मीडियावर व्हायरला होत आहेत. अशातच आता तिच्या लग्नाबाबतची आणखी माहिती समोर येत आहे. येत्या १९ जूनला सोनाक्षी व झहीर यांचा संगीत सोहळा आहे, तर २२ जूनला त्यांचा साखरपुडा होणार आहे. त्यानंतर २३ जूनच्या संध्याकाळी दोघेही शिल्पा शेट्टीच्या ‘बॅस्टियन’ रेस्टॉरंटमध्ये दोघे रिसेप्शन पार्टी देणार आहेत.
पण या सगळ्यात सगळ्यांनाच उत्सुकता आहे की, सोनाक्षीचे कुटुंब या लग्नाला हजेरी लावणार का? कारण या लग्नाबाबत वडील शत्रुघ्न सिन्हा आणि भाऊ लव सिन्हा यांचा कल फारसा चांगला नाही. दोघांनीही या लग्नाबाबत काहीही माहिती नसल्याचे सांगितले आहे. पण आता सोनाक्षीचे मामा पहलाज निहलानी यांनी सांगितले आहे की, शत्रुघ्न सिन्हा आपल्या मुलीच्या लग्नाला हजर राहतील आणि तिला आशीर्वाद द्यायला नक्कीच येतील.
ज्येष्ठ चित्रपट निर्माते व सेन्सॉर बोर्डाचे माजी अध्यक्ष पहलाज निहलानी यांनी ‘टाइम्स नाऊ’शी संवाद साधला. यावेळी त्यांनी शत्रुघ्न सिन्हा यांच्या लग्नात उपस्थिती राहणार असल्याचे सांगितले. कुटुंबातील मतभेदाच्या अफवांचे खंडन करताना पहलाज निहलानी यांनी असं म्हटलं की, ‘लोकसभा निवडणुकीमुळे शत्रुघ्न सिन्हा जवळपास तीन महिने मुंबईबाहेर होते. वहिनीला (पूनम सिन्हा) माहित असेलच. ते परतल्यानंतर तिने वडिलांना याबद्दल सांगायचे ठरवले असावे. आता ते मुंबईत परतले आहेत आणि सोनाक्षी आणि तिच्या कुटुंबात सर्व काही ठीक आहे”.
यापुढे शत्रुघ्न सिन्हा यांना सोनाक्षीच्या लग्नाबद्दल राग आहे का, असे विचारले असता पहलाज यांनी असं म्हटलं की, “हो, पण ते जास्त काळ रागावू शकत नाहीत. सोनाक्षीवर तर नक्कीच नाही. ती त्यांची लाडकी आहे. लग्नाला न येण्याचा प्रश्नच येत नाही. शत्रुजींनी सांगितल्याप्रमाणे आजकालची मुलं पालकांची परवानगी घेत नाहीत आणि आपल्या आवडीच्या मुलाशी लग्न केल्यास त्यांना राग का येईल? खुद्द शत्रुजींनी चाळीस वर्षांपूर्वी आपल्या पसंतीच्या मुलीशी लग्न केले होते”.
आणखी वाचा – रुपालीला नवीन शक्ती मिळाली, नेत्रा गरोदर असल्याचेही सत्य तिला समजणार, कुणाचा बळी की आणखी काही?
दरम्यान, सोनाक्षी सिन्हा व झहीर इक्बाल यांनी २०२२मध्ये ‘डबल एक्सएल’ चित्रपटात एकत्र काम केले होते. सोनाक्षीला सलमानने चित्रपटांमध्ये लाँच केले होते. त्याचबरोबर झहीर इक्बालने पदार्पण केलेला ‘नोटबुक’ हा चित्रपटाला सलमान खानची निर्मिती होती. तसेच झहीर इक्बाल व सोनाक्षी यांची पहिली भेट सलमानच्या एका पार्टीत झाली होती.
