गणेशोत्सव अवघ्या एक दिवसांवर येऊन ठेपला आहे. त्यानिमित्ताने सर्वत्र गणेशोत्सवाची धामधूम पाहायला मिळतेय. प्रत्येक जण लाडक्या गणरायाच्या स्वागतासाठी सज्ज झाला आहे. सर्वसामान्यांप्रमाणे कलाकार मंडळीही मोठ्या जल्लोषात बाप्पाचे स्वागत करताना दिसत आहे. बॉलिवूड अभिनेत्री शिल्पा शेट्टी व तिचा पती राज कुंद्रा दरवर्षीप्रमाणे यंदाही बाप्पाचे स्वागत करताना दिसत असून याचा व्हिडिओ नुकतंच समोर आला आहे. (Shilpa Shetty Ganeshotsav Video Viral)
अभिनेत्री शिल्पा शेट्टी व राज कुंद्रा गेल्या अनेक वर्षांपासून गणरायाची प्रतिष्ठापना करते. याहीवर्षी ते मोठ्या उत्साहात गणेशोत्सव साजरा करणार असून या दोघांनी नुकतंच बाप्पाची मूर्ती त्यांच्या घरी नेली आहे. सोशल मीडियावर हा व्हिडिओ समोर आला आहे, ज्यामध्ये शिल्पा शेट्टी तिच्या पतीसह बाप्पाचे स्वागत करताना दिसत आहे. मात्र, यावेळी शिल्पाचा पती राज कुंद्राने त्याचा चेहरा मास्कने झाकला होता. हा व्हिडिओ व्हायरल होताच नेटकरी भडकले आहेत.
हे देखील वाचा – रस्त्याच्या कडेला असणाऱ्या हेअर कटिंग सलॉनमध्ये मसाजसाठी गेला संतोष जुवेकर, फोटो शेअर करत म्हणाला, “खोबरेल तेल जेव्हा…”
दरम्यान, हा व्हिडिओ व्हायरल होताच नेटकऱ्यांनी शिल्पा व तिच्या पतीला जोरदार ट्रोल केलं आहे. एका नेटकऱ्याने म्हटलं की, काम असं करा की, देवाला चेहरा नाही दाखवू शकता. तर काहींनी राज कुंद्राची तुलना ‘कोई मिल गया’ मधील जादूशी केली आहे. त्याचबरोबर एका नेटकऱ्याने म्हटलंय की, किमान बाप्पाच्या स्वागतावेळी चप्पल काढली पाहिजे होती. एकूणच सोशल मीडियावर या व्हिडिओची जोरदार चर्चा होताना पाहायला मिळत आहे.
हे देखील वाचा – दाक्षिणात्य अभिनेत्री किर्ती सुरेश ‘जवान’ फेम संगीतकाराबरोबर विवाहबंधनात अडकणार?, खुलासा करत म्हणाली, “तो माझा…”
दरम्यान, शिल्पा शेट्टीच्या कामाबाबत बोलायचे झाल्यास ती सध्या ‘इंडियाज गॉट टॅलेंट’ या रिऍलिटी शोचे परीक्षण करताना दिसत आहे. त्याचबरोबर तिचा ‘सुखी’ हा चित्रपटही येत्या २२ सप्टेंबरला प्रदर्शित होणार आहे. तर तिचा पती राज कुंद्रा २०२१ मध्ये पोर्नोग्राफी केसमुळे वादाच्या भोवऱ्यात अडकला होता. तेव्हापासून तो सार्वजनिक ठिकाणी मास्क परिधान करताना दिसत आहे.