प्रसिद्ध क्रिकेटर हार्दिक पांड्या व त्याची पत्नी नताशा स्टॅनकोविक सध्या त्यांच्या वैयक्तिक आयुष्यामुळे चर्चेत आले आहेत. काही दिवसांपासून हे जोडपे वेगळे होणार असल्याच्या चर्चांना उधाण आलेलं पाहायला मिळालं. परंतु आतापर्यंत हार्दिक व नताशा या दोघांनी या अफवांवर मौन बाळगले आहे. हार्दिक नुकताच T20 वर्ल्ड कप चॅम्पियनशिप जिंकून परतला आहे, पण तो नताशाला भेटला नाही. यानंतर आता नताशाने सोशल मीडियावर एक व्हिडीओ शेअर केला आहे जो व्हिडीओ व्हायरल होत आहे. हा व्हिडीओ पाहिल्यानंतर चाहत्यांना असं वाटू लागलं आहे की नताशाने हार्दिकबरोबर घटस्फोट घेतला आहे. (Natasa Stankovic And Hardik Pandya Divorce)
नताशा व हार्दिक दोघेही सोशल मीडियावर सक्रिय आहेत. सोशल मिडियावर दोघेही बऱ्यापैकी सक्रिय असलेले पहायला मिळत आहेत. ते खूप पोस्ट शेअर करत आहेत पण एकमेकांबरोबर फोटो शेअर करताना दिसत नाही आहेत. नताशाने तिच्या इन्स्टाग्राम स्टोरीवर हा व्हिडीओ शेअर केला आहे. समोर आलेल्या व्हिडीओमध्ये ती असं म्हणताना दिसत आहे की, “मी तुम्हाला पुन्हा एकदा आठवण करुन देऊ इच्छिते की देवाने लाल समुद्र तसाच ठेवला असून त्याने फक्त त्याचे दोन भाग केले आहेत. याचा अर्थ असा की तो तुमच्या जीवनातून कोणतीही समस्या दूर करणार नाही, परंतु त्यातून मार्ग काढेल”.
आजकाल नताशा तिचा मुलगा अगस्त्याबरोबर वेळ घालवत आहे. शनिवारी सकाळी अभिनेत्रीने तिच्या इन्स्टाग्राम अकाउंटवर अनेक फोटो व व्हिडीओ शेअर केले आहेत. पहिल्या फोटोमध्ये नताशा कारच्या आत सेल्फी घेताना दिसली होती. तर दुसऱ्या फोटोमध्ये अभिनेत्री जिममध्ये तिचे ॲब्स दाखवताना दिसली. ही पोस्ट शेअर करताना नताशाने लिहिले, “कृतज्ञतेत राहत आहे”.
नताशा व हार्दिक यांचे मे २०२० मध्ये लग्न झाले होते. कोविडच्या काळात त्यांनी अतिशय साध्या पद्धतीने लग्न केले. त्यानंतर २०२३ मध्ये दोघांनी पुन्हा लग्न केले. हिंदू व ख्रिश्चन अशा दोन्ही रितीरिवाजानुसार हा विवाह पार पडला. नताशा व हार्दिकच्या लग्नाचे फोटो सोशल मीडियावर व्हायरल झाले होते.
