बॉलीवूड अभिनेत्री क्रिती सेनन सध्या खूप चर्चेत असून तिच्यासाठी हा आठवडा विशेष ठरला आहे. कारण, क्रितीला सर्वोत्कृष्ट अभिनेत्रींसाठी यंदाचा राष्ट्रीय पुरस्कार जाहीर झाला आहे. क्रितीचा हा पहिलाच राष्ट्रीय पुरस्कार असून तिच्यासाठी हा अविस्मरणीय क्षण आहे. त्यामुळे अभिनेत्रीने हे यश तिच्या कुटुंबासोबत साजरा केला. (Kriti Sanon)
राष्ट्रीय पुरस्कार पटकावल्यानंतर अभिनेत्री क्रिती सेननने तिच्या कुटुंबियांसह मुंबईतील सिद्धिविनायक मंदिराचे दर्शन घेतले. यावेळी क्रितीसोबत तिचे आई-वडील व बहीण नुपूर सेनन होती. यावेळी क्रितीने सिद्धीविनायकाचं दर्शन घेतल्यानंतर मंदिराबाहेर पापाराझींना प्रसाद वाटला. एवढचं नव्हे, तर तिने लहान मुलांबरोबर सेल्फीही काढला. तिचा हा व्हिडिओ सोशल मीडियावर व्हायरल होत आहे.
दरम्यान, अभिनेत्री क्रिती सेननने पुरस्कार जाहीर झाल्यानंतर इंस्टाग्रामवर एक पोस्ट केली. ज्यात तिने तिच्या कुटुंबीय, चित्रपटातील सहकलाकार व तंत्रज्ञ, मित्र व चाहत्यांचे आभार मानले. शिवाय, तिने आलिया भट्टचेही अभिनंदन केले. “
हे देखील वाचा – प्रसाद जवादे व अमृता देशमुखचा एकत्र फोटो पाहून नेटकऱ्यांना आठवले शिव-वीणा, म्हणाले, “नातं टिकलं नाही आणि…”
दिग्दर्शक लक्ष्मण उतेकर यांच्या ‘मिमी’ चित्रपटात क्रितीने सरोगेट मदरची मुख्य भूमिका साकारली होती. तिच्याबरोबर पंकज त्रिपाठी, मराठमोळी अभिनेत्री सई ताम्हणकर व अन्य कलाकार दिसले आहे. या चित्रपटाला प्रेक्षकांचा चांगला प्रतिसाद मिळाला होता. (Kriti Sanon at siddhivinayak temple after winning national award)
