अभिनेत्री दिव्या अग्रवाल २० फेब्रुवारी २०२४ रोजी अपूर्व पाडगांवकरबरोबर पारंपरिक पद्धतीने लग्नबंधनात अडकली. मनोरंजन क्षेत्रांमध्ये या जोडीच्या लग्नाची मोठ्या प्रमाणात चर्चादेखील रंगली. दोघांच्या फोटो, व्हिडीओला प्रेक्षकांनी भरभरुन पसंती दर्शिविली. आता लग्नाच्या तीन महिन्यांनंतर दोघांच्या नात्यामध्ये दुरावा आल्याचा अंदाज व्यक्त केला जात आहे. नुकतेच दोघेही हनिमूनवरुन परतले. आणि त्यानंतर लगेच दोघांनी आपल्या सोशल मीडिया अकाऊंटवरुन लग्नाचे सगळे फोटो डिलिट केले असल्याने या चर्चांना उधाण आलं. (Divya Agarwal Divorce)
या चर्चांवर आता दिव्याने मौन सोडलं आहे. दिव्याने तिच्या इन्स्टाग्राम स्टोरीवर पोस्ट शेअर करत म्हटलं की, “मी काहीच बोलले नाही. मी कोणतीही कमेंट किंवा पोस्ट केलेली नाही. मी २५०० पोस्ट हटवल्या. पण मीडियाने फक्त लग्नाचे फोटो न दिसण्यावरच प्रतिक्रिया दिली. लोक याकडे कसे पाहतात आणि माझ्याकडून त्यांना काय अपेक्षित आहे, हे पाहणं रंजक आहे. मी नेहमी तेच केलं जे लोकांना माझ्याकडून अपेक्षित नव्हतं. आणि त्यांच्या काय अपेक्षा आहेत तर घटस्फोट किंवा बाळ? खरं तर यापैकी काहीही नाही”.
यापुढे तिने असंही म्हटलं की, “खरं तर आता फक्त मला माझ्या प्रोफाइलवर पिन केलेल्या पहिल्या पोस्टबद्दल बोलायचं आहे. प्रत्येक कथेचा शेवट आनंदी असतो आणि देवाच्या कृपेने माझे पती माझ्या शेजारी शांतपणे झोपले आहेत आणि घोरत आहेत”, असं म्हणत तिने ते दोघेही एकत्र असल्याचं म्हटलं आहे. दिव्या अग्रवाल दोन दिवसांपूर्वीच तिच्या पतीबरोबर दिसली होती. यावेळी, अभिनेत्री वेस्टर्न आउटफिटसह सिंदूर लावूनही दिसली. दोघे एकत्र खूप आनंदी होते आणि दोघांनी एकत्र अनेक फोटो क्लिक केले होते.
‘बिग बॉस ओटीटी सीझन १’ची विजेती दिव्या अग्रवालचे वैयक्तिक आयुष्य पुन्हा एकदा चर्चेत आले आहे. दिव्या अग्रवालने तीन महिन्यांपूर्वीच बॉयफ्रेंड अपूर्व पाडगावकरबरोबर लग्न केले. अभिनेत्रीने नुकतेच तिच्या पतीबरोबर लग्नाचे सर्व फोटो सोशल मीडियावरुन डिलीट केले होते. त्यानंतर त्यांच्या घटस्फोटाच्या अफवा उडू लागल्या. आता अभिनेत्रीने पतीपासून वेगळे होण्याच्या अफवांवर आपले मौन सोडले आहे.
