या वर्षात अनेक दमदार चित्रपट प्रेक्षकांच्या भेटीला येत आहेत. हिंदीतील सुपरहिट चित्रपट देणारा दिग्दर्शक रोहित शेट्टीचा बहुचर्चित चित्रपट ‘सिंघम अगेन’ हा चित्रपट प्रेक्षकांच्या भेटीला येत आहे. या चित्रपटामध्ये बॉलिवूड अभिनेत्री दीपिका पदूकोण एका मुख्य भूमिकेत पाहायला मिळत आहे. सध्या दीपिका तिच्या या चित्रपटाबरोबरच तिच्या गरोदरपणाच्या चर्चांमुळे अधिक चर्चेत असते. अनेक महिला गरोदरपणामध्ये आराम करण्यास अधिक प्राधान्य देतात. पण दीपिकाने मात्र आराम न करता आपल्या कामाला प्राधान्य दिले आहे. तिचे काही फोटो सोशल मीडियावर मोठ्या प्रमाणात व्हायरल झाले असून अनेक चाहत्यांनी प्रतिक्रियाही दिल्या आहेत. (deepika padukone on singham again shoot )
रोहित शेट्टी दिग्दर्शित ‘सिंघम अगेन’ हा चित्रपट प्रेक्षकांचे मनोरंजन करण्यासाठी या वर्षी प्रदर्शित होणार आहे. गेल्या काही महिन्यात सोशल मीडियाच्या माध्यमातून ‘सिंघम अगेन’च्या कलाकारांचे चेहरे समोर आणले होते. या सर्व कलकारांमध्ये दीपिकाचा लूकदेखील व्हायरल झाला. या लूकमध्ये ती खूप डॅशिंग दिसत आहे. दरम्यान आता चित्रीकरणावेळचे काही फोटो सोशल मीडियावर व्हायरल झाले आहेत.
व्हायरल झालेल्या फोटोमध्ये ती पोलिस ऑफिसरच्या युनिफॉर्ममध्ये पाहायला मिळत आहे. तसेच चेहऱ्यावर गॉगलदेखील लावलेला दिसत आहे.तसेच तिचे बेबी बंप देखील दिसून येत आहे. फेब्रुवारीमध्ये मुलाला जन्म देणार अशी माहिती सोशल मीडियावर दिली होती. त्यानंतर ती अनंत अंबानी व राधिका मर्चंट यांच्या प्री-वेडिंग सोहळ्यामध्ये दोघेही धमाल करताना दिसून आली होती. आता काही दिवसांचा ब्रेक घेऊन पुन्हा एकदा ती चित्रपटाच्या चित्रीकरणासाठी सज्ज झाली आहे. या चित्रपटामध्ये ती शक्ति शेट्टीची भूमिका साकारत आहे.
दरम्यान या चित्रपटामध्ये ॲक्शन सीन असणार असून आता दीपिकाचे सर्व ॲक्शन सीन बॉडी डबलकडून करुन घेण्यात येणार आहेत. पण असे असतानादेखील अनेक सीन हे खुद्द दीपिकानेच चित्रित केले आहेत. यासाठी तिने तसेच सेटवरील इतरांनीही तिची खूप काळजी घेतली आहे. हा चित्रपट लवकरच प्रेक्षकांच्या भेटीला येणार आहे.
