गुरुवारी संपूर्ण देशभरात ईद साजरी केली. बॉलिवूडमधील अनेक कलाकार ईद साजरी करताना दिसून आले. बॉलिवूडमधील कलाकारांनी हटके अंदाजात ईद साजरी करताना दिसून आले. काही कलाकारांनी सोशल मीडियावरुनही शुभेच्छा दिल्या. बॉलिवूडचा बादशाह शाहरुख खान व सलमान खानने नेहमीप्रमाणे घराच्या बाल्कनीमध्ये येऊन चाहत्यांना ईदच्या शुभेच्छा दिल्या. तसेच यावेळी आमिर खानने चाहत्यांना वेगळे सरप्राइज दिले आहे. (bollywood actors eid celebration)
दरवर्षीप्रमाणे शाहरुख खानचे अनेक चाहते मन्नत बंगल्याबाहेर त्याची वाट पाहत होते. शाहरुख दरवर्षी ईदच्या दिवशी आपल्या घराच्या बाल्कनीमध्ये येऊन चाहत्यांना अभिवादन करुन शुभेच्छा देतो. यावेळी शाहरुख त्याचा लहान मुलगा अबरामही होता. दोघांनीही यावेळी पंधरा कुर्ता व पायजमा घातला होता.
त्याचप्रमाणे आमिर देखील आझाद व जुनैद या दोन्ही मुलांसह ईदच्या दिवशी दिसून आला. मुलांसाहित घराच्या बाहेर येऊन मीडियाला व चाहत्यांना शुभेच्छा दिल्या आहेत. यावेळी त्याने चाहत्यांमध्ये गेला असता तिथे एका मुलीनेदेखील आमिरबरोबर फोटो काढण्याची इच्छा व्यक्त केली. ती इच्छादेखील आमिरने पूर्ण केली. त्याच्या या कृतीचे चाहत्यांनी प्रचंड कौतुक केले आहे.
तसेच सलमानने देखील या ईदला चाहत्यांना मोठे सरप्राइज दिले आहे. त्याने वांद्रे येथील ‘गॅलक्सी’ या अपार्टमेंटच्या बाल्कनीमध्ये येऊन त्याने चाहत्यांना ईदच्या शुभेच्छा दिल्या. त्याचे अनेक चाहते बाहेर वाट पाहत होते. तो बाल्कनीत येताच सगळेजण गोंधळ घालू लागले. यामुळे परिस्थिति हाताबाहेर गेली आणि तेव्हा सर्व परिस्थिति आटोक्यात आणण्यासाठी पोलिसांना लाठीचार्ज करावा लागला. हा व्हिडीओ सोशल मीडियावर मोठ्या प्रमाणात व्हायरल होत आहे. दरम्यान सलमानबरोबर त्याचे पिता सलीम खानदेखील होते.याबरोबरच त्याने ईदच्या मुहूर्तावरच त्याने आपल्या आगामी चित्रपटाची घोषणा केली आहे. दरवर्षी ईदच्या दिवशी सलमानचा नेहमी एक दर्जेदार सिनेमा प्रदर्शित होत असतो. पण यावेळी चित्रपट तर नाही पण आगामी चित्रपटाची घोषणा करुन त्याने चाहत्यांना ईदची भेट दिली आहे.
खान मंडळींबरोबर पतौडी कुटुंबाची सून व बॉलिवूड अभिनेत्री करीना कपूरने देखील ईद साजरी करतानाचा फोटो शेअर केला आहे. या फोटोमध्य शेवयांनी भरलेली वाटी दिसत आहे. हा फोटो शेअर करत तिने लिहिले आहे की, “ही वाटी माझी आहे. सर्वांना ईदच्या हार्दिक शुभेच्छा”.
अशा प्रकारे सर्व ठिकाणी ईद आनंदात साजरी करताना पाहायला मिळाली. बॉलिवूडसहित सर्व कलाकारांनी ईदच्या शुभेच्छा दिल्या आहेत.